فلافل و حمص و فول بيتي
فلافل و حمص و فول بيتي
المقادير
- للفلافل:
- نص كيلو حمص حب منقوع
- نص حزمة بقدونس
- راس بصل
- فصين توم
- قرن فلفل حسب الرغبة
- معلقة كبيرة بهارات مشكلة
- معلقة صغيرة فلفل اسود
- معلقة صغيرة كراوية مطحونة
- معلقة صغيرة زنجبيل
- معلقة صغيرة كربونات الصوديوم
- معلقة صغيرة قرنفل مطحون
- معلقة صغيرة كزبرة مكحونة
- مقادير الحمص:
- نص كيلو حمص حب منقوع ومسلوق
- نص كاسة طحينة
- نص كاسة ليمون
- معلقتين لبن رايب
- ملح حسب الرغبة
- مقادير الفول:
- كاسة فول حب بني
- كاستين فول مجروش اصفر
الخطوات
الطريقة
نقعت كيلو حمص حب من الليل للصبح وطبعا غسلت الحمص منيح قبل النقع وحطيت معلقة كربونات الصوديوم
الصبح زليت المي عنههم وفرمت ثلثين الكمية للفلافل وخليت ثلث للحمص ..
طبعا الفلافل بفرمه على ماكنة اللحمة دائما بس اليوم عملته على محضرة الطعام ، وبفرم معه حبتين بصل متوسطة الحجم و4 فصوص توم وحبة فلفل حلو وكم عرق بقدونس وكم عرق كزبرة .ما بكتر بقدونس عشان ما يسود الفلافل بالقلي
وبملحهم وبحط كمون وقرنفل مطحون وفلفل اسود وكزبرة ناشفة ..وبغلفهم وبحطهم بالثلاجة ..ولما بدي اقلي فلافل بطول الكمية اللي بدي اياها وبحط معها معلقة كربونة صغيرة وممسوحة ومعلقة بيكنج باودر لانه بخليه ينفش ويقرمش ، وبخلطهم منيح وبتركهم عشر دقايق وبعدين بقليهم
الحمص
بسلقه ع النار لحتى يستوي ع الاخر
بحطه بالخلاط الكهربائي مع عصير الليمون ورشة ملح ومعلقة لبن وبخفقهم لحتى يصيروا زي الكريمة .بحطهم بجاط وبحط عليهم طحينية وبخلطهم منيح وبدوقهم لاشوف شو ناقصهم .ممكن يحتاجو شوية ملح او ليمون او طحينة
المهم انتي بتقدري هالشي بالذواق ..
اما الفول بنقع مقدار من الفول الحب ومقدارين من الفول المجروش الاصفر ليلة كاملة وبحطهم بجرة فول صغيرة ع الصوبة وبخليهم طول النهار وطول السهرة ع الصوبة مع التحريك كل فترة وفترة وبزيد المي كل فترة وفترة لحتى يستوي الفول .وطبعا بتحطي تتبيلة على الكمية اللي بدكم توكلوها فقط والباقي بتعبيه بعلب صغيرة وع الفربزر
وتتبيلة الفول عبارة عن توم وفلفل وملح وبقدونس وليمون
وصحة وعوافي
#فلافل وحمص وفول ام نضال
