طريقتي بعمل صينية اللحمه كثيير طيبه
طريقتي بعمل صينية اللحمه كثيير طيبه
المقادير
- لحمه قطع بعظمها
- كميه من الخضار يلي بتفضلوها استخدمت :
- بطاطا مقطعه دوائر
- جزر قطع كبيره ودوائر
- بندوره شرائح او حب كامله
- فلفل اخضر حار
- راس بصل قطع كبيره
- راس بصل مقطع شرائح
- راس ثوم
- كوب من مرقة اللحمه
- نص كوب من زيت الزيتون
- نص كوب خل
- ملح
- فلفل اسود
- لسلق اللحمه :
- راس بصل مفروم
- ورق غار
- فلفل أسود
- كاري
الخطوات
السلام عليك ويسعد أوقاتكم بالخير
اليوم وصفتنا صينية اللحمه تغير عن الدجاج
وسهله وطيبه لما نتحير ايش نطبخ الصينبه بتكون اول شي بتخطر عالبال أكيد الصينيه وطريقتها معروفه عند الكل ..بس حبيت اقدم طريقتي وأن شاء الله بتعجبكم
يلاااا نشوف الطريقه ….
& بنجهز اللحمه وبنغسلها وبنصفيها من المي وبغمرها بالمي وبسلقها،،لما تبلش تغلي بشيل الزنخه يلي بتطلع عالوجه وبضيفلها راس بصل مفروم وورق غار وفلفل أسود وكاري وبتركها تغلي لحتى تستوي اللحمه او نص سوا لانه راح تكمل سواها بالفرن
& بجهز الخضار يلي راح احطها مع اللحمه
بقشر البطاطا وبقطعها لدوائر ..والجزر ..
واستخدمت راسين بصل راس قطعته شرائح وراس قطع كبيره ،،، وفلفل أخضر حار صحيح ..وراس ثوم ما قشرته بس فصلته عن بعضه وغسلته
وعدد من حبات البندوره الصغيره خليتها زي ما هي
او شرائح بندوره حسب ما بتحبو
& لما تجهز اللحمه ببلش بتجهيز الصينيه
بضيف شرائح البصل بالأول وبعدين البطاطا وبوزع الجزر
والثوم والفلفل الأخضر ورشة ملح وفلفل
وبضيف قطع اللحمه وبوزع البطاطا والجزر يلي ضلو والبندوره
وبضيف معلقة ملح وفلفل أسود ونص كوب خل
ونص كوب زيت زيتون وبضعهم عاللحمه والخضار
وبضع كوب من مرقة اللحمه أو ماء حسب ما بتفضلوو
وبقصدرها وبدخلها الفرن عالنار عاليه تقريبا ساعه الا ربع
وبعدين بوطي النار عليها لاقل من الوسط لحتى تستوي وتتنشف ميتها بحمرها
& وبقدمها مع السلطه
وهيك وصفتنا صارت جاهزه ان شاء الله بتجربوها وبتعجبكم
دمتم بكل الخير
