كيكه بعصير الكلمنتينا و الكاكاو طعم مميز ورائع
كيكه بعصير الكلمنتينا و الكاكاو طعم مميز ورائع
كيكه بعصير الكلمنتينا و الكاكاو طعم مميز ورائع
المقادير
- ٣ بيض بدرجه حراره المطبخ
- م.ك فانيلا
- م.ص خل أبيض
- كوب ونص سكر
- كوب زيت نباتي
- ٣ أكواب طحين
- ٣ م.ك بيكنج بودر ممسوحين
- كوبين إلا ربع عصير كلمنتينا
- م.ك كاكاو بودره
الخطوات
بسم الله نبدأ
بالبدايه بنشغل الفرن على درجه حراره ١٨٠° لفرن الكهرباء أما الغاز درجه حراره متوسطه
في وعاء بنخفق البيض مع الفانيلا والخل لما يصير لونه على بياض وينفش بنضيف السكر وبنخفق لما يدوب إشويه بعدها بنحط الزيت وبنخفق بنخل الطحين مع البيكنج بودر
بنضيف نص الطحين للخليط مع كاسه عصير وبنحرك بخفه بعدين بنحط باقي الطحين ونص كاسه عصير وبحركهم كويس لو كان الخليط جامد ضيفي باقي الكاسه كيف تعرفي إنو الكيكه زابطه وما بدها إيشي بضيفي العصير بالتدريج وبتحركي لو عملتي علامه8 وظهرت وإختفت بعد بشويه يعني تمام الخليط
بنصب نص الخليط بصينيه مدهونه بزيت ورشه طحين والنص التاني بنضيف عليه معلقه الكاكاو وبنحركه كويس بنضيفه بشكل عشوائي للخليط إلي بالأول وبمعلقه بنعمل خطوط عشوائيه وعلى الفرن من فوق بعد مرور ٣٠ دقيقه بنشوف كيف وضعها ههههه
بدها من ٤٥ ل ٥٠ بالفرن من فوق بعدين بنزلها ليتحمر وجها وبسسس
بنتركها لتبرد وتقدم مع كاسه شاي والأهم تكون بالنعنع ههههه
بالمناسبه كاسه الشاي هاي لأم علوش العسسسل
بتمنا هالوصفه البسيطه تعجبكم وتدعولي بالخير والعافيه
♡وصحه وعافيه بحبكم أنا ♡
