اكلير
اكلير
المقادير
- كاسة مية
- تلات ملاعق كبيرة حليب باودر
- كاسة طحين منخل
- ١٠٠ غم زبدة المراعي بدرجة حرارة الغرفة
- رشة ملح
- ملعقة كبيرة سكر
- ملعقتين صغار فانيلا سائلة
- تلات حبات بيض بدرجة حرارة الغرفة كبار او اربعة وسط
- للحشوة:
- كريم باتسير، لازم تكون جامدة حتى ماتسيح جوا الحبة
- كاستين مية
- ٨ ملاعق كبيرة حليب
- حبتين بيض بدرجة حرارة الغرفة
- ملعقة ونص صغيرة فانيلا سائلة
- نص كاسة سكر
- رشة ملح
- ٢٠ غم زبدة مقطعة
- ملعقتين كبار نشا
الخطوات
يوضع المية والزبدة و السكر و رشة الملح والحليب بطنجرة على الغاز ليسخن يضاف عليه الفانيلا و الطحين بالتدريج مع التقليب لتتماسك تصير طابة توضع بصحن وتغطى لتبرد يضاف البيض بالتدريج مع العجن توضع بكيس كريمة و تشكل بصنية عليها ورق زبدة تدخل لفرن حامي من قبل درجة ١٨٠ من الوسط بدها تقريباً 30_35دقيقة لتنفخ وتوخد لون خلال الخبز مابنفتح عليها الفرن حتى لا تهبط يطفى الفرن تترك لتبرد بعد هيك بتطلعيها وبتحشيهم(اذا طلعت من الفرن اول مانخبزت بتهبط من فرق درجة الحرارة لازم تضل بالفرن لتبرد)
للحشوة
يسخن الحليب على نار هادية
يوضع شوية حليب على البيض بالتدريج تقريباً خمس ملاعق كبيرة مع الخفق حتى تصير حرارة البيض متل الحليب السخن
يضاف البيض بالتدريج على طنجرة الحليب مع الخفق المستمر لتغلي و تتكاثف يضاف الزبدة و تقلب يوضع بصحن ويغطى ليبرد ويوضع بكيس كريمة
للتغليفة نوتيلا مذوبة او كريمة اللوتس وممكن خلطها مع الكريمة للحشوة
تفتح حبات الكلير من الطرف و تحشى وتغلف
في حال عملتيه بروفيترول تشكل العجينة لدوائر
بالهنا والشفا
