كنافة ناعمة بيتية
كنافة ناعمة بيتية
المقادير
- كاستين سميد ناعم
- كاسة طحين
- معلقتين حليب بودرة
- كاسة سمنة
- ملعقة كبيرة بيكنج باودر
- ملعقة صغيرة خميرة
- رشة ملح
- ربع ملعقة صغيرة بودرة لون طعام برتقالي وممكن الاستغناء عنها
- كيلو جبنة بيضة محلاه
- نص كيلو جبنة موزريلا
الخطوات
الطريقة
نخلط جميع النواشف ونعجنهم بالسمنة والمي الدافية بنريحهم لمدة ساعتين وبنغطيهم
وبندهن صينية وسط بسمنة وبنفرد عليها العجينة وبعدين
بنحمي الفرن لمدة نص ساعة بنحط العجينة فيه وبنطفي الفرن وبنتركها نص ساعة بالفرن وهو مطفي
بعد ما تبرد بتكسريها وبتحطيها بمحضرة الطعام وبتطحنيها لحتى تصير ناعمة
بتجيبي سدر وبتدهنيه سمنه منيح مش شوية
بتفردي العجينة المطحونة بالسدر وبترصيها منيح بتفردي فوقها الجبنة البيضة والموزريلا مخلوطين مع بعض بتغطي السدر بقطعة قماش وبتغطي عليها منيها حتى تتشرب اي سوائل من الجبنو
بنخبزها في فرن حامي مسبقا على نار وسط تقريبا من نص ساعة لساعة الا ربع لتحمر الاطراف
بنطلعها من الفرن وبنقلبها بسدر تاني
وبنشربها بالقط. الساخن ..الكنافة بالذات ضروري تكون سخنة والقطر سخن
ومنزينها بالفستق الحلبي
وصحتين وهنا
#كنافة بيتية ..ام نضال
