طريقة ماسك لنضارة البشره وطريقه بسيطه للتقشير سهله وبسيطه بالخيار أفكار منزليه
طريقة ماسك لنضارة البشره وطريقه بسيطه للتقشير سهله وبسيطه بالخيار أفكار منزليه
طريقة ماسك لنضارة البشره وطريقه بسيطه للتقشير سهله وبسيطه بالخيار أفكار منزليه
المقادير
- لماسك الخيار بنحتاج :
- خياره صغيره مبروشه بنحتاج لماء الخيار منها
- 2 ملعقه صغيره نشا اوحسب كمية ماء الخيار
- للتقشير بنحتاج فقط:
- خياره صغيره مبشوره
- ماء ورد أختياري لاستخدامه بعد الماسك
الخطوات
السلام عليكم ويسعد أوقاتكم
اليوم بقدملكم وصفتين وصفه بسيطه جدا وسهله لتقشير بشرة الوجه بالخيار ان شاء الله بتعجبكم وبتجربوها
كثير سهله
والوصفه الثانيه ماسك الخيار للبشره سهل وبسيط
يلااا نشوف الطريقه ….
& الخيار من أهم المقشرات الطبيعيه الفعاله بالأخص للبشره الدهنيه
لانه يزيل الزيوت الزائده بالوجه ويعمل عالتنظيفها من خلال التقشير
& الطريقه : بقشر الخياره وببرشها عالناعم وباخذ منه شوي شوي وبفرك فيه الوجه بشكل دائري هو ما راح يمسك عالبشره بس خلال فرك البشره بعمل عالتقشير والبشره بتتشرب ماء الخيار بستمر لمدة خمس دقائق تقريبا او اقل حسب وقتك
&بتركه لمدة عشر دقائق عالبشره وبعدين بغسله بالمي الفاتره او الدافئه يفضل وبنشف البشره بلطف
& ملاحظه : لما تستخدميه احسبي حسابك انه راح ينزل برش الخيار من ايدك عشان هيك حطي فاين احتياطا وانتي بتعملي بالتقشير
& وصفه للتقشير سهله وبسيطه وبمكون واحد فقط
استمري عليها مرتين بالاسبوع
ان شاء الله بتعجبكم رغم بساطتها لكن حبيت افيدكم وأخص أصحاب البشره الدهنيه
& الطريقه الثانيه ماسك الخيار :
بنقشر خياره صغيره وببرشها وبحطها بمصفايه وبصفيها مزبوط بشد عالبرش بالمعلقه عشان تطلع المي كامله
بضع على مية الخيار معلقتين صغاار نشا
او حسب كمية المي ممكن نقلل وممكن نزيد النشا اذا كانت كمية مية الخيار كثير بتزيدي نشا
بنذوب النشا بالمي
& من ثم بنضعه عالنار واطيه وبنستمر بالتحريك لحتى يتماسك اول ما يبلش يغلي ويتماسك برفعه عن النار وبضعه بعلبه او بصحن لحتى يبرد
& طريقة الأستخدام :
بنضع الماسك عالوجه
من خلال توزيع طبقه خفيفه عالكامل البشره وبنتركه لمدة 15 دقيقه وبعدين بنشيله وبنغسل بالمي وبنشف البشره بلطف
ممكن تمرير بقطنه ماء الورد عالبشره اختياري
& ماسك الخيار بعطي نضاره ونعومه وشد للبشره وبساعد عالشد التجاعيد من خلال اضافة النشا
وبخفف من الهالات السودا والانتفاخ تحت العين
يمكن استخدامه ثلاث مرات بالاسبوع لانه آمن عالبشره
يعني هالكميه بتكفي لاربع مرات بالاسبوع تقريبا حسب ما تستخدميها
ان شاء الله بتجربوهم وبتعجبكم ونتيجتهم جدا رائعه
دمتم بكل الخير
