خبز رمضان خبز رمضان
خبز رمضان خبز رمضان
المقادير
- ربع كوب ماء دافئ
- ١ م ص سكر
- ١ م ك خميره
- ١ كوب حليب دافئ
- ٢ ونص_ ٣ كوب طحين ..يضاف تدريجيا حسب نوع الطحين
- رشه ملح
- ثلث كوب زيت نباتي
- لدهن الوجه:
- بيضه مخفوقه مع م ص نسكافيه سادة
- او ممكن حليب سائل مع م ص نسكافيه
- للتزيين:
- ١ م ك سمسم
- ١ م ك حبه البركه
- ٣ م ك زيت زيتون
- للتبطين:
- ٢ م ك زيت نباتي
- ٣ م ك سميد اي نوع
الخطوات
السلام عليكم ورحمه الله وبركاته حبوباتي …..خبز رمضان ومين ما بحبو ..بما انو قرب رمضان وبعدو الحجر علينا والله يمرق هالايام ع خير ….حبيت اجهز هالوصفه لتكون عندي وقت يجي ببالي برمضان وتكون فعلا نفس خبز المخابز
والف الحمدلله طلعت نفسو بالزبط ..وكتييير انبسطت ….جد انو طلع هش وقطني وريحه دمااار …لاااا وفوق هيك جدا سهل ..
يلاااااا نبلش ….
نضع الخميره مع السكر مع الماء الدافئ بصحن صغير ونحرك حتى تتفاعل الخميره جيدا
ثم نضع الطحين الكوبين ونصف …ونضع الزيت والحليب ورشه الملح …بس تتفاعل الخميره نضعها ع الخليط…ونعجنها جيدا جدا
ممكن نحتاج كمان طحين او لا حسب نوع الطحين
نضعها بجاط نظيف ونتركها ترتاح مده ساعه ونصف بمكان دافي
بعدين ندهن صينيه زيت نباتي ونرشها بالسميد ( السميد يمنع الالتصاق ويخفف رطوبة العجينه ويعطيها قرمشه لذيذه) ….او اختصرو القصه وحطو ورق زبده ههههههه بس انا ما عندي
ناخد العجين ع سطح مرشوش طحين كويس …ونضعها ..ونطبط عليها بايدنا بشكل دائري حتى تنفرد بالطبطبه مش بالشوبك او رك بالايد لااااا ….بس طبطبه
ثم ننقلها ع الصينيه ..ونحززها باطراف الاصابع او الشوكه ونعمل شكل خبز رمضان المتعارف عليه …
نتركها ترتاح كمان نص ساعه ونغطيها ……ثم ندهنها بالبيضه المخفوقه مع النسكافيه وندهن الوجه …ونضع السمسم وحبه البركه
تخبز بفرن محمى مسبقا ع درجه حراره ٢٠٠ الرف الشبكي الاوسط
لحتى تنضج …ثم نحمر الوجه قليلا
وعندما تخرج ندهنها بزيت الزيتون بالفرشاه ونغطيها حتى تبرد …
وتقدم بالف هنا وصحه حبيباتي وان شاء الله تعجبكم
