كيكة التوفي
كيكة التوفي
المقادير
- 3 بيضات
- 3 فانيلا
- 3 بيكنغ باودر
- كاسة الى ربع زيت قلي
- كاسة الى ربع سكر
- كاستين طحين
- كاسة ماء
- 4 معالق كبيرة حليب محمص
- منحتاج للتوفي :
- كاسة سكر
- 2 ملعقة كبيرة زبدة
- علبة قشطة
- ثلث كاس حليب سائل
الخطوات
أول شي منحمي الفرن على حرارة 180 درجة ومنبلش بعمل الكيكة منخفق البيض مع الفانيلا والسكر لحتى يصير كريمي بعدين منحط الزيت ومنخفق وهون منكون محمصين الحليب ونضعه فوق الخليط ومنحط نص كاسة مي وكاسة طحين والبيكنغ باودر ومنخفق بعدين منكمل نص كاسة المي التانية والطحين ومنخفقهم منيح ومنكون حاطين بصينية الخبز زيت وطحين وعلى الفرن مباشرة لمدة نص ساعة ومنقلبها ومنتركها
هون منعمل التوفي / منحط السكر لحتى يبلش يتغير لونه من الحواف ومنحركه لحتى يذوب تمام منضع عليه الزبدة لحتى تذوب منحط القشطة ومنحرك مباشرة لأنها راح تصير طرطش معك بس لا تخافي ظلك حركي حتى ما تلكلك معك لحتى يذوب كل شي بعدين منزل بثلث كاسة حليب ومنحركهم لحتى يندمجو مع بعض ويغلو منطفي الغاز
ومنديرهم على الكيكة ومنحط على الحواف كمان
ومنزيين الوجه بجوز الهند المحمص
وهيك خلصت كيكتنا الي أكتر من رووووووعة
هاي الكيكة عملتها لإبني بشهر 2
بتمنى إنكم تجربوها وتعجبكم وبالهنا والعافية يا رب
أختكم في الله أم عمرو ♥️♥️♥️♥️
