خبز بيتي
خبز بيتي
المقادير
- ٦ كاسات طحين
- معلقة كبيرة خميرة
- معلقة صغيرة سكر
- معلقة خل ابيض
- فنجان زيت قلي
- معلقتين ملح
- معلقتين حليب بودرة واللي ما بدها ما تحط حسب الرغبة بس الحليب بطري العجين حليب دافي للعجن
الخطوات
بجاط حطي كاسة مي دافية وحطي الخميرة والسكر والحليب والزيت واتركيهم خمس دقايق ،ضيفي الطحين والملح والخل وبلشي زيدي مي شوي شوي واعجني لحتى تحصلي على عجينة متماسكة .غطيها وحطيها بمكان دافي لحتى تختمر .
قطعيها كرات متوسطة وغطيها واتركيها نص ساعة ترتاح
طريقة الخبز
جيبي صاجة او صينية تيفال او جرانيت وحطيها على راس الغاز وشعلي النار تحتها وشعلي شواية الفرن ،،ركزوا معي الشواية مش الفرن .
بتبلشي ترقي كل كرة لوحدها وبتعملي ثقوب باصابعك بالرغيف وبتحطيه ع الصاجة وبس يحمر من تحت بتنزليه ع الفرن ع الشبك تحت الشواية حتى يتحمر وهكذا بتصيري ترقي وتحطي ع الصاجة وتنزلي تحت ع الشواية زي ما هو واضح بالصورة وخلال ربع ساعة بتكوني خبزتي حوالي ١٥ او ١٦ رغيف
وصحة وهنا
#خبز ام نضال السريع
