الزربيان العدني اليمني على أصوله سلسلة وصفات حول العالم 16

المقادير

• حوالي 3 أو 4 بصلات وسط مقطعين جوانح منقليهم بزيت غزير شوي ومنصفيهم ومنستخدم من الزيت تبعهم للدجاج والرز
• مقادير خلطة الدجاج
• كيلو دجاج
• حبتين بطاطا وسط مقطعين مكعبات كبييرة لحتى ماتنهرس معنا أثناء الطبخ
• نصف كوب لبن
• بهارات صحيحة (هيل + قرفة + ورق غار + قرنفل )
• 5 ملاعق زيت (أبو بصلة ماغيرو)
• بهارات مطحونة ملعقة صغيرة من كل من (كركم + كمون + كاري + بابريكا + هيل + قرفة)
• نصف ملعقة صغيرة ثوم بودرة ممكن استبداله بالطازج
• نصف ملعقة صغيرة فلفل أسود
• الملح حسب الرغبة
• نصف كمية البصل المقلي
• مقادير الرز:
• 3 كوب رز بسمتي
• 4 ملاعق زيت (ماغيرو)
• بهارات صحيحة (هيل + قرفة + ورق غار + كمون حب) + ملح حسب الرغبة
• انا ماكان عندي كمون حب حطيت ناعم
• فحم للتدخين

الخطوات

☆بسم الله الرحمن الرحيم☆

* أول شي رح نقلي البصل ليتحمر منيح منصفيه ومنحطو عجنب ورح نستخدم من الزيت تبعو للدجاج والرز

* منجي للدجاج

منحط من زيت البصل والبهارات الصحيحة ومنقلبهم مع بعض ليتحمصو سوا ولون الجاج يصير أبيض

* منضيف عليهم البهارات المطحونة وقطع البطاطا واللبن ونصف كمية البصل المقلي وربع كاسة مي ومنقلب كل شي سوا منيح ومنوطي النار شوي ومنغطيهم ومنتركهم يغلو ويندمجو سوا على مهلن ليستوي الدجاج

* بهالأثناء رح نجهز الرز

منحط من زيت البصل مع البهارات الصحيحة والكمون ومنحمصهم فيه ومنضيف المي والملح وبس تغلي منضيف الرز منغليه حوالي 8 دقايق ومنصفيه من المي

* المرحلة الأخيرة هية التطبيق

بس يستوي الجاج منحط طبقة من الخليط تبعو بالطبق اللي رح ندخلو الفرن ومنحط فوقو طبقة رز وطبقة خليط جاج وبصل محمر وزبيب ومرة تانية رز وبصل محمر وزبيب ومنحط الملون آخر شي

* منغطي الطبق بالقصدير ومنحطو بالفرن حوالي ثلاث أرباع الساعة ليكمل طهي عالبخار

* بهالأثناء منجهز الفحم وبس نطالع الزربيان من الفرن منطفي اللحم عليه متل مو واضح بالصور ومنغطي الطبق تماما حوالي عشر دقايق ليتدخن منيح منفتح ومنقلب الطنجرة على جاط كبيرة

* بيطلع عنا أكلة مميزة وغير شكل

بصراحة الجاج والبطاطا أبهرونييييي طعمتهن ولا ألذ اللهم بارك

* ان شاء الله تكون الوصفة عجبتكم وتجربوها وتدعولي وسامحوني لو قصرت بحقها أو أخطأت فيها بشي

“بحبكن كلكنننننن قد كل شي رز بالعالم وأستودعكن الله من كل مكروه”