كعك الاساور الهش

المقادير

• خمس كاسات طحين
• نص كاس زبده
• نص كاس سمنه
• نص كاس زيت زيتون
• نص كاس زيت قلي
• معلقتين بهارات كعك
• معلقتين حبة البركه او الحبه السودا
• سمسم حسب الرغبه
• معلقة محلب مطحون
• معلقتين حليب مجفف حسب الرغبه
• معلقه صغيره خميره
• رشة بكنج باودر
• كاس من الماء او مغلي اليانسون ممكن اكير ممكن اقل حسب الطحين
• رشة عصفر

الخطوات

بسم الله الرحمان الرحيم

يسعد اوقاتكم حبيباتي اشتقتلكم كثير ربنا يحفظكم ويحفظ الجميع بتمنى من رب العالمين ان يرفع هذه الغمه عن هذه الامه واطلب من الله العلي القدير ان يستخدمنا في خدمة هذاالدين ولا يستبدلنا ويتجاوز عن سيئاتنا ويردنا الى ديننا ردا جميلا

اخواتي الغاليات عملت هالكعكات وعجبوني كثير بصراحه ما كنت ناويه انزلهم ولما شفت هشاشتهم بصراحه خطر لبالي انزلهم حتى ما احتكر هالطريقه لنفسي هذه الطريقه لعشاق الكعك الهش واتمنا انها تعجبكم

اول شي اذا بدك الكعك يكون هش التزمي بالمقادير واذ حابه يكون ماسك شوي لا تستخدمي الزيده ولا البكنج باودر بس استخدمي الخميره وكاسة سمنه نوعيه طيبه وكاسة زيت اما زيتون لوحده او مخلوط مع قلي

ويلى نبلش

بنحضر وعاء عميق بنضع فيه الطحين ورشة عصفر عشان تعطينا لون اصفر وبنكون سخنا السمنه والزبده على النار اول ما تسخن بنضيفها للطحين وبنحركها بملعقه خشبيه وبنضيف كاسة الزيت وحبة البركه والمحلب والمستكه والسمسم المحمص والبهارات الي هي عباره عن ينسون وشومر محمصين شوي ومطحونين وبنضيف الحليب الجاف والبكنج باودر وبنحرك المواد مع بعضها كويس بنكون خمرنا معلقة الخميره بشوية مي فاتره ومعلقه سكر وبنضيفهاللخلطه وبنبلش بالبس لا بالعجن مع اضافة الماء الفاتر او مغلي اليانسون الفاتر شوي شوي حتى نحصل على عحينه متماسكهخ وبنريحها ربع ساعه وبنبلش نشتغل فيها

الحشوه تمر منزوع النوى معجون بزيت الزيتون والقرفه وقليل من بهارات الكعك لتعزيز النكهه وبتشكليهم وبتبلشي تشتغلي فيهم

يا وردات بعتذر عن تقديم مزيد من الصور لاني ما صورت من البدايه ومثل ماذكرت بالبدايه ما كنت تاويه انزلهم لكن صورتهم صوره بالصدفه قبل الخبز

اطال الله اعماركم واحسن اعمالكم وحماكم من الوباء والامراض

استودعتمم ونفسي لله الذي لا تضيع ودائعه والسلام عليكم ورحمة الله وبركاته