دحدح
دحدح
المقادير
- طبقتين الدحدح:
- ٤ كاسات سميد خشن
- كاسة طحين
- كاسة ونص سمنة
- كاسة سكر
- معلقة خميرة كبيرة
- كاسة ونص حليب سائل واذا مش متوفر استبدليه بالمي
- معلقة كبيرة ماء الزهر
- معلقة كبيرة بيكنج باودر
- مكونات الحشوة وبنخلطهم كلهم مع بعض حتى تصبح العجينة عنا متماسكة ومش طرية كثير زي ما هو واضح بالصورة الطريقة:
- كاستين سميد
- كاسة سكر
- كاسة جوز عين الجمل مدقوق
- نص كاسة قرفة ناعمة
- معلقتين كبيرتين كاكاو
- معلقتين كبيرتين سمنة
- نص كاسة قطر
الخطوات
الطريقة
في وعاء بتحطي السميد والطحين والسمنة وبتفركيهم باصابعك بطريقة البس زي كعك العيد ولما يتشرب السميد السمنة منيح بتضيفي السكر والخميرة والبيكنج باودر وماء الزهر وبتبلشي تعجني بالسميد بالحليب وبتضيفي الحليب بالتدريج وبتعجني لحتى تتماسك العجينة وتحسي انك تقدري تتحكمي فيها وبكرر اذا ما توفر الحليب اعجنيها بمي
وممكن ما تحتاجي الكاسة ونص من الحليب او المي حسب السميد ،في سميد بشرب وسميد ما بشرب .
بنتركهم ساعة ليرتاحوا
بعد ما ترتاح العجينة بنقسمها نصين
بنجيب سدر متوسط الحجم بندهنه سمنة بنفرد قسم من العجينة بالسدر وبنحاول نعمله نفس المستوى ،بنفرد الحشوة اللي جهزناها فوق طبقة العجينة ونبسطها براحة الايد على كل السدر متل ما هو واضح بالصورة .
نيجي للطبقة اللي فوق بناخد قسم صغير من العجينة وبنحاول نرقه بواسطة كيس نايلون او براحة الايد وبنبلش نغطي طبقة الحشوة بطريقة الترقيع كما هو واضح بالصورة
بنترك الدحدح يرتاح لبينما نحمي الفرن على حرارة ٢٠٠ وبعد ربع ساعة بنحط السدر بالرف اللي مرفوع شوية عن النار ،ما بنحطه مباشرة ع النار .لاحظوا الصورة اللي صورتها بالفرن ،وبس يحمروا الاطراف وتفوح ريحة الدحدح الشهية بتطفي الفرن وبتشغلي الشواية وما بترفعي السدر بتتركيه مكانة بالطبقة اللي تحت حتى يتحمر تحمير وما ينحرق
وصحة وهنا
وبتمنى تكون الطريقة وصلت
#دحدح ام نضال
