الدونات بطريقة جديدة
الدونات بطريقة جديدة
المقادير
- ٢ ونص كوب طحين
- ٢ معلقة كبيرة خميرة
- رشة ملح
- ٣ ملاعق كبيرة من الزبدة السايحة
- ربع كوب سكر
- كوب حليب دافي
- ٢ بيضة بدرجة حرارة الغرفة
- معلقة صغيرة فانيلا
- نيوتيلا أو بديل النيوتيلا
الخطوات
أول شي نضع كوب طحين ومنحط فوقه الحليب والزبدة والفانيلا والسكر والبيض والخميرة والملح ومنخلطهم كتير منيح بالمغرفة اليدوية بعدين منغطيهم ١٠ دقائق
بعدين منحط كوب ونص طحين الي ظلو عنا ومنعجنهم كتير منيح لمدة ٤ دقائق ومنغطيهم ومنتركهم بمكان دافي لمدة نص ساعة بعدين منفردهم ومنخليهم مو رقاق كتير ومنقطعهم بقطاعة دائرية ومنحطهم بصينية الخبز محطوط فيها ورق الزبدة وعلى الفرن مباشرة لمدة ٢٠ الى ٢٥ دقيقة
منطلعهم من الفرن ومنفتحها من فوق شوي بالسكينة ومنحشيها بالنيوتيلا
ورشي عليها السكر البودرة وتلذذي بالطعم الخراااااافي الي بيوخدك لعالم تاني جد رووووعة وبكفي انها صحية مو مقلية مشوية شوي
يا رب تكون عجبتكم وخفيفة عليكم دمتم في حفظ الرحمان أختكم في الله أم عمرو
بديل النوتيلات ع طريقة ام جاسم العسل بس انا بزيد اضافة صغيرة على الشوكولا بحط علبة قشطة بتطلع رووووعة ولنها كتير حلو ( يا ريت الادمن تحط الرابط هون من بعد إزنك )
