الحلبة على الطريقة الفلسطينية
الحلبة على الطريقة الفلسطينية
المقادير
- ٣ أكواب سميد خشن
- كوب طحين
- ٢ معلقة كبيرة سمسم
- ٢معلقة كبيرة قزحة
- ٢ معلقة كبيرة حليب بودرة
- ٢ معلقة كبيرة سكر
- ١ ملعقة كبيرة خميرة
- ١ معلقة كبيرة يانسون مطحون
- ١ معلقة كبيرة بيكنغ باودر
- ١ كوب زيت زيتون
- ١ كوب بذور الحلبة
- ١ كوب ماء الحلبة ملاحظة ( نقع الحلبة قبل بيوم ليلة كاملة ومن ثم نزل المي عنها ومنحطها بالطنجرة ومنضيفلها مي جديدة ومنسلقها لحتى يستوي حب الحلبة )
- القطر:
- ٣ أكواب سكر
- كوب ونص مي
- معلقة كبيرة عصير ليمون
الخطوات
أول شي نضع السميد والطحين والسمسم والقزحة والبيكنغ باودر و الحليب و السكر و الخميرة و اليانسون و نخلطهم جيدآ ثم نضع الزيت ونبسهم جيدآ ثم وضع حبوب الحلبة وخلطهم وبعدين منعجنهم بماء الحلبة ومنتركهم يرتاحو نص ساعة وبعدين مندهن الصينية أو السدر بالطحينية ومنحط الخليط ومنفردو ومنقطعها وعلى الفرن مباشرة لحتى تتحمر أطرافها منحمر الوجه ومنسقيها بالقطر البارد وتقدم بالهنا والعافية
ملاحظة ( بعدما نطلعها من الفرن منرجع منعلم على التقطيع )
وياااا رب تكون عجبتكم وصفتي للحلبة على طريقتي وطريقة إمي الفلسطينية وأي سؤال انا جاهزة لإلو حبيبات قلبي دمتم في حفظ الرحمان أختكم في الله أم عمرو ♥️♥️♥️♥️
