طريقة بسبوسه محشيه بالقشطه روعه
طريقة بسبوسه محشيه بالقشطه روعه
المقادير
- 1 كوب سميد
- نص كوب جوز هند
- 2 بيض
- كوب لبن زبادي
- نص كوب زيت ذره
- نص كوب سكر
- معلقة فانيلا
- معلقة بكنج باودر
- رشة ملح
- للقشطه :
- 2 كوب حليب
- 4 ملاعق كبيره نشا
- 2 ملعقة كبيره سكر
- علبة قشطه
- 4 حبات جبنه كيري او اي نوع عندك
- قطر لنسقي البسبوسه
الخطوات
السلام عليكم ويسعد أيامكم بكل الخير
بقدملكم اليوم وصفة بسبوسة القشطه
تغير عن البسبوسه المعتاده وطعمها جدا لذيذ
ان شاء الله بتعجبكم
يلاااا نشوف الطريقه …..
& بنخلط اللبن والبيض والسكر والفانيلا والزيت ورشة ملح سوا مزبوط بالخلاط اليدوي
بعدين بنضيف السميد وجوز الهند وبكنج باودر وبنخلطهم لحتى يتجانس المخلوط
& بنقسم الخليط لقسمين بنضع القسم الاول بصينيه مدهونه زيت ومرشوشه بالطحين وبندخلها الفرن المحمى مسبقا عالدرجة حراره 180 لمدة 15 دقيقه تقريبا لحد ما تتحمر الاطراف بطلعها من الفرن
& خلال ما هي البسبوسه بالفرن بحضر القشطه وهي باضافة الحليب والنشا والسكر سوا بذوب النشا عالبارد ثم عالنار وسط وبستمر بالتحريك لحتى يبلش يغلي بضيف علبة قشطه والجبنه وبحركهم سوا لمدة دقيقه لحتى تختفي الجبنه والقشطه برفع الخليط عن النار وبضيفه عالبسبوسه فورا وبتركها شوي لحتى تبرد وتتماسك
مجرد ما تماسك وجه القشطه بضيف القسم الثاني من البسبوسه وبوزعه بلطف وبدخله الفرن من فوق عالشوايه بس بالرف الوسط عشان ما تحترق بخليها لمدة عشر دقائق تقريبا او لحتى يتحمر الوجه بطلعها من الفرن
& بسقيها بكوب من القطر البارد قوامه وسط ما يكون ثقيل كثير ولا خفيف كثير
وبتركها تتشرب القطر وتصير حرارتها بدرجة حرارة الغرفه بدخلها الثلاجه لمدة ساعتين عالاقل
وبقدمها بعد الساعتين
& ملاحظه 1 : بأمكانك تعمليها قبل بيوم وتخليها بالثلاجه لوقت التقديم انا لاحظت انه ثاني يوم بتكون أطيب بكثير من اول يوم
& ملاحظه 2: لازم الطبقه الثانيه تكون رقيقه مش خميله عشان تستوي والعيار يلي عملته لصينيه صغيره
اذا كان بدك لصينيه كبيره بتضاعفي كمية خليط البسبوسه
& ما وضعت القشطه كلها ما حبيتها تكون خميله طبقة القشطه شلت منها مقدار كوب وانتو حسب ما بتحبو بامكانكم وضعها كامله …
& ان شاء الله بتجربوها وبتعجبكم
دمتم بكل الخير
