الفلافل بطريقتي

المقادير

• نص كيلو حمص منقوع ٢٤ ساعة
• ربع كوب بقدونس
• ربع كوب كزبرة خضرا ممكن استبدالها بالكزبرة الناشفة معلقتين كبار
• راس بصل صغير
• ٤ سنون توم
• معلقتين كبار بهارات الفلافل واذا مو متوفر منكتفي بالكزبرة والكمون
• معلقة كبيرة ملح
• فلفل حار ( اختياري )
• معلقة صغيرة كربونة
• معلقة كبيرة كمون مطحون
• نص كوب ماء عادي مو بارد ولا سخن
• للقلي :
• زيت غزير

الخطوات

أول شي نضع جمييييييع المقادير في المفرمة أو في ماكينة اللحمة بس على الجهتين بتزبط المتوفر استخدمي ومنطحنهم مع بعض كتير منيح بعدين منحطهم بجاط ومنخلطهم حتى تتجانس كل المكونات مع بعض ومنحط الجاط بالتلاجة لمدة نص ساعة 🕡🕡🕡

بعدين منحمي الزيت كتير منيح قبل ما نبلش نقلي ولما نبلش قلي منوطي الغاز للنص ومنبلش نقلي فيهم بآلة الفلافل لحتى يتحمرو ومنقدمهم بالهنا والعافية

( ملاحظة لما نقلي بآلة الفلافل منغط الآلة بالزيت حتى يسهل خروج العجينة منها )

ويااااا رب أكون انا وفلافلاتي خفيفات الظل عليكم وتكونو حبتونا طبعآ والى ما حبنا ياااااااااا ويلو هههههههههههه

أستودعكم الرحمان الذي لا تضييع ودائعه أختكم في الله أم عمرو