قطايف رمضان
قطايف رمضان
المقادير
- كوبين طحين
- معلقة نشا
- معلقة سميد ناعم
- معلقتين سكر
- معلقة خميرة صغيرة
- رشة ملح
- نص معلقة صغيرة فانيلا
- كوبين مي دافية
الخطوات
يسعد أوقاتكم يا شيفات زاكي المحترمات وا لا المعدلات وكل صبية أو ست بيت بتابع تطبيقنا الرائع زاكي والادمن المحترمة المسؤولة عنه الله يبلغكم جميعا رمضان وانتوا بصحتكم وعافيتكم وراحة وطمأنينة وسكينة تحل عليكم وعلى بيوتكم
رمضان السنة غير أكيد غير لإنه بلا تراويح وصلاة بالمساجد وبلا عزايم وجمعات وبلا أجواء وأمور كتير بيجوز اتعودنا عليها بس ليش ما بناخذ الجانب الإيجابي وهو إنه ما راح يكون في شي بيلهينا عن حقيقة رمضان وروحانيته إنه للعبادة من صيام وقيام وقراءة قرآن ودعاء ونحمد ربنا إنه إحنا ببيوتنا ومع أهلنا و أولادنا ونعيش رمضان ونستغله صح
طولت عليكم بالمقدمة اعذروني
بالنسبة للقطايف إلي هو من سمات شهرنا الكريم
بخلط المكونات الناشفة لحالها والخميرة بدوبها بالمي الدافية مع السكر وبخلطهم بالايد أو الخلاط ليتجانسوا وبتركهم شي نص ساعة وعلى قلاية تيفال ما بصبهم بالحجم المطلوب
ولما بخلص الكمية بحشيهم جبنة أو جوز أو قشطة أنا حشتهم جبنة وبقليهم وعالقطر وبقدمهم زاكين ومقرمشين
وصحة وهنااااا
