الزلابية ع طريقة ماما

المقادير

• 3 أكواب طحين أبيض
• نص كوب طحين قمح
• نص كوب شوفان مش مطحون
• معلقتين كبار سكر
• نص معلقة صغيرة ملح
• 3 ملاعق كبيرة من الحليب الناشف
• سمسم حسب الرغبة
• قزحة حسب الرغبة
• ماء دافئ للعجن
• للقلي:
• زيت زيتون
• زيت قلي

الخطوات

أول شي يسعدلي مساكم بكل خير ومحبة ياااا رب

اليوم جيت وجبتلكم معي وصفة ما بعرف اذا معروفة عن الجميع بس نحنا الفلسطينيات أكيد منعرفها والي هيي ( الزلابية ) وهاي الطريقة بصراحة طريقة ماما ربي يحفظلي اياها من كل سوء وما قدرت أعملها وما أشاركم فيها لأنها بصراحة تستحق التجربة وان شاء الله إنكم تحبو الطريقة وتجربوها

وعلى بركة الله نبدأ بطريقة العمل

أول شي نضع جميييييييييع المقادير مع بعض ومنعجنهم بالماء الدافئ لحتى تصبح عنا عجينة طرية وما بتلزق باليد بعدين منقطعها لكرات ومنغطيها ومنتركها ترتاح نص ساعة بعدين منبلش نرق في العجين بواسطة الطحين حتى يسهل علينا رقه لحتى يصبح عنا رغيف مو رقيق ولا خميل مناسب يعني بعدين منكون محميين الزيت ( طبعآ انا هون خلطت نوعين من الزيت الي هو القلي وزيت الزيتون ) منبلش نزل الرغفة وأول ما يتحمر مباااااشرة بشيلو وبرش علي السكر البودرة أو القطر متل ما بتحبو وبتقدمو مباشرة وهو سخن وتلذذي بالطعم الرهييييب الشهي

وهاي هيي كانت وصفتي لليوم ان شاء الله تكون عجبتكم ودمتم في حفظ الرحمان أختكم في الله أم عمرو