طريقة المقلوبه من الاكلات الرائعه برمضان
طريقة المقلوبه من الاكلات الرائعه برمضان
المقادير
- دجاج
- زيت ذره
- أرز مخلوط :
- نص ك ارز مصري
- نص ك أرز بسمتي
- خضار مقطعه قطع كبيره :
- باذنجان
- بطاطا
- زهره
- جزر
- شرائح بندوره
- البهارات :
- 2.م. ملح
- 2.م.فلفل اسود
- 2.م. بهارات مشكله
- 1.م. كاري
- 1.م. ص. هيل مطحون
- لسلق الدجاج :
- راس بصل مفروم
- ملح
- فلفل اسود
- كاري
- بهارات دجاج
- للتقديم :
- سلطه
- لبن
الخطوات
السلام عليكم ويسعد أوقاتكم بكل خير
طبعا ما في غنى عن أكلة المقلوبه بالأفطار برمضان أكيد الكل بعرف طريقتها بس للتذكير
حبيت ارجع انزل طريقتها لانها من الاكلات الطيبه
ان شاء الله بتعجبكم طريقتي
ورمضان مبارك عالجميع
يلااا نشوف الطريقه ….
& اول شي بنسلق الدجاج من بعد ما يغلي بضيفله البصل والبهارات وبتركه يستوي وخلال هالفتره ببلش بتجهيز الخضار
& بقشر الخضار وبقطعها قطع كبيره عشان تضل مبينه بالمقلوبه وما تذوب وبقليها
& ببلش بتطبيق المقلوبه اول شي بحط بالطنحره شرائح بندوره ومن ثم الدجاج والخضار ومن ثم بضع عليهم رشة ملح وفلفل وهيل
& الارز خلطه بين البسمتي والمصري بغسله وبنقعه بمي ساخنه مع رشة ملح
وعند الاستخدام بصفيه وبضيفله البهارات
وبخلطه وبضيفه عالخضار ومن ثم بضيف عليه ماء سلق الدجاج لحتى يغمر الارز وبضيفله الزيت يلي قليت فيه المقالي
وبضع الطنجره عالنار عاليه لحتى تغلي وتتنشف المي بوطي النار للأخر وبتركه يستوي
& لما تستوي بطفي الغاز وبتركها عشر دقائق ترتاح وبعدين بقلبها وتقدم مع السلطه واللبن
& ممكن قلي الدجاج من بعد ما ينسلق بس انا بحبه بالمقلوبه بدون قلي بضل طري
وممكن الاستغناء عن اي نوع من الخضار هالموضوع بضل اختياري حسب ما بتحبو
وهي طريقتي ان شاء الله بتعجبكم
دمتم بكل الخير
