قراص الزعتر الورق البلدي
قراص الزعتر الورق البلدي
المقادير
- مكونات قراص الزعتر:
- كيلو زعتر ورق
- معلقتين سماق كبيرة
- معلقة ملح
- 2 راس بصل متوسط الحجم
- زيت زيتون
- للعجينة:
- 6 كاسات طحين
- معلقة ملح
- فنجان زيت ذرة
- ماء
الخطوات
الطريقة
بنعجن الطحين مع الزيت ورشة الملح بالماء الدافي بدون خميرة وبنتركهم يرتاحو
بنلقط الزعتر يعني بناخد الورق بس وبنغسلهم منيح وبنعصرهم حتى نتخلص من المي
بنفرم البصل فرمة ناعمة وبنقلبهم بزيت الزيتون وبنضيفهم للزعتر وبنضيف الملح والسماق وبنخلطهم منيح .
بنقطع العجينة كرات صغيرة وبنرق كل كرة على حدة حتى تصير رقيقة وشفافة بندهنها زيت بنطوي طرفين على بعض وبنحط معلقتين من حشوة الزعتر وبنرد نغلقهم على بعض حتى تصبح عنا مربعة ،بنصفهم بصواني مدهونة زيت وبنخبزهم بالفرن فقط دون حاجة للشواية .
يعني بخبزهم بالفرن وبس يحمروا بنقلبهم وبنرجعهم
وصحة وهنا
#قراص زعتر ورق ..ام نضال
