مخلل الجزر والفليفله بالفلفل الحار والجوز والثوم

المقادير

• نص كيلو فليفله
• نص كيلو جزر
• خمس سنون ثوم
• كميه من الجوز حسب الرغبه
• كاستين مي
• معلقتين ملح خشن
• معلقة خل

الخطوات

بسم الله الرحمان الرحيم

يسعد مساكم يا وردات ان شاء الله الجميع بالف خير..ربنا يحميكم ويحمي اولادكم ويحمي جميع الامه ويهديهم الى سواء السبيل

اخواتي الغاليات حبيت اقدملكم هالطريقه السريعه والسهله والطيبه من المخللات بعرف انكم ستات بيوت وما بخفى عليكم شي بس قدمتها لمحبي هذا النوع من المخلل للتذكير بها فقط لانه رمضان على الابواب كل عام وانتم بخير وهاديين البال ولما نقدم هيك نوع من المخللات مع الاكل طبعا بفتح النفس والشهيه وكل الابواب المغلقه تعالوا نشوف الطريقه

طبعا حبوباتي سلامة فهمكم جميعا بنقشر الجزر وبنغسله وبنغسل الفليفله والفلفل بشكل جيد وبنقطعهم قطع متساويه وبنفرم الثوم والجوز وبنضيفهم للخضار وبنخلطهم كويس وبنعبيهم بمرطبان نظيف ومعقم وبنضيفلهم محلول الماء والملح ومعلقة الخل طبعا مرطباني صغيراخذ اقل من كاستين مي حليتهم بمعلقتين من الملح وضفتهم للخليط وضفت شوية زيت على وجه المرطبان واغلقته جيدا