ماسك القهوه للبشره والنتيجه رائعه أفكار منزليه
ماسك القهوه للبشره والنتيجه رائعه أفكار منزليه
المقادير
- معلقة قهوه تركيه أو نسكافيه
- معلقتين حليب سائل
- معلقة صغيره عسل
- معلقة نشا
الخطوات
السلام عليكم ويسعد أوقاتكم بالخير
بقدملكم ماسك القهوه للوجه والأيدين ونتيجته جدا رائعه ان شاء الله بعجبكم وبتجربوه سهل وبسيط ومكوناته متوفره بكل بيت
وبشرتنا بحاجه للماسكات عشان تحافظ عالنضارتها ومو محتاجه وقت كثير بنص ساعه بتعمليه وبتعطي بشرتك نضاره وتفتيح ونعومه روووعه
يلااا نشوف الطريقه ….
& بنضع معلقة القهوه او النسكافيه ومعلقة النشا وبنخلطهم سوا وبنضيفلهم الحليب والعسل وبنحركهم لحتى يتجانس الماسك وبنضعه عالوجه باستخدام قطنه او بأيدك بس القطنه اريح
بنوزعه عالوجه بشكل كامل وبنتركه ينشف تقريبا بده ثلث ساعه وبنغسله بماء دافئه وبنشف البشره بلطف
& وللأيدين بنفس الطريقه كماسك او بتفركيه بشكل دائري مثل السنفره وبتغسليه والنتيجه اول ما تغسلي راح تلاحظيها عالوجه وعالايدين
& راح اذكرلكم بعض فوائد ماسك القهوه :
القهوه بتعمل عالتنظيف البشره وازالة الجلد الميت
وبتعطي نضاره ونعومه للبشره وبتساعد عالتخفيف من البقع الداكنه
وفيها مضادات أكسده بتساعد على التخفيف او المحافظه من ظهور التجاعيد
والحليب بساعد عالترطيب وتفتيح البشره
والنشا بساعد عالشد البشره وبعطي الماسك قوام سميك وبهدي البشره الحساسه وبزيل الاحمرار
والعسل بعمل عالترطيب البشره وتغذيتها
وذكرت فوائده الاخرى بماسك الكركم
والماسك نتيجته راائعه حبيت افيدكم واقدملكم طريقته ان شاء الله بعجبكم
دمتم بكل الخير
