كرات السميد بطعم الشكولاته والقهوه أفكار منزليه
كرات السميد بطعم الشكولاته والقهوه أفكار منزليه
كرات السميد بطعم الشكولاته والقهوه أفكار منزليه
المقادير
- كوب سميد يفضل خشن
- كوب حليب بودره
- 50 غ زبده نص قالب
- كوب بسكوت مطحون وممكن نحتاج نص كوب بسكوت اضافي
- علبة قشطه كبيره أو 2 بكيت قشطه
- 3 ملاعق شوكلاتة دهن او صوص حسب المتوفر يفضل يكون ثقيل
- م. ك .نسكافيه م.ك.ماء
- للتزين وتغليف الكرات :
- جوز هند
- فستق حلبي مطحون
- صوص الشكولاته
- اضافة السكر أختياري انا ضفت 3 ملاعق
- للتقديم :
- فنجان قهوه هههه
الخطوات
السلام عليكم ويسعد أوقاتكم يا رب
اليوم بقدملكم وصفة حلى كرات السميد بالشكولا والقهوه
حلى سهل وبسيط وطعم جديد وبنفع كتحلايه بعد الافطار برمضان …ان شاء الله بعجبكم وبتجربوه
يلااا نشوف الطريقه …..
& بنذوب الزبده وبنضع عليها السميد وبحمصه مع الزبده
وبضع عليهم الحليب وبحمصهم سواا ولحتى ياخذو لون خفيف بشيلهم عن النار
& بضع عليهم القشطه والشكولاته والبسكوت وبعجنهم سوا وبعدين بضيف معلقة نسكافيه مذوبه بمعلقة مي وبضعها عالخليط وبخلطهم مزبوط
( انا وضعت ثلاث معالق سكر لانه ذقتها وشفت حلاوتها قليله فأضافة السكر اختياري حسب ما بتحبو حلاوته )
هي طعم الحلاوه فيها بعتمد عالبسكوت والقشطه والشكولاته
وممكن استبدال الشكولاته بزيادة القشطه
واضافة البسكوت حسب ما بتمسك معك يعني بالاول حطيت كوب بسكوت مطحون وشفتها لسى بدها شوي لتشد ضفتلها نص كوب بسكوت وكانت تمام
& بنكورهم ونضعهم جانبا ..ولما نخلص كل الكميه بنزينهم
حسب ما بتفضلو
انا زينتهم بصوص الشكولاته ..وجوز الهند ..
والفستق الحلبي المطحون
& وهيك الحلى صار جاهز بسيط وزاكي اذا ما بدكم تقدموه بنفس الوقت بدخلوه الثلاجه افضل
ويقدم مع فنجان قهوه وألف صحه وعافيه للي حاب يجربه
دمتم بكل الخير
