الطريقه الصحيحه لتفريز الفول الاخصر

المقادير

• 2 كيلو فول اخضر
• معلقه كبيره من السكر
• ماء لغلي الفول

الخطوات

بسم الله الرحمان الرحيم يسعد اوقاتكم صبايا…السلام عليكم ورحمة الله وبركاته

طبعا الفول الاخضر من الاكلات المفيده والمشهوره في وطنا العربي ويطبخ بعدة طرق وياكل ني احيانا لكن ينصح بعدم الاكثار منه وهو ني

صديقاتي تعلو نشوف هالطريقه السهله البسيطه سوا

طبعا انا واعوذ بالله من كلمة انا متاخره في تفريز الفول لانه قرب ينتهي للظروف الي بنمر فيها حاليا المفروض اي شي بدنا نفرزه بعد ما ينزل بشوي يفرز وهو طري بكون اطيب

اول شي حبايبي بنقوم بغسل الفول وبنشفه مزبوط حتى ما يسود وبقطعه حسب الرغبه بكون وضعت على النار طنحره فيها مي ولما تسخن المي بنزل معلقة سكر وهاي المعلقه هي سر انه الفول بضل اخضر واول تغلي المي بنزل الفول وبضل حنبه احرك فيه واذا ما حركتيه الطبقه العليا بتسود وما بتنسلق مزبوط بستمر بالتحريك لمدة خمس دقايق وبشيل الريم الابيض الي بظهر اثناء السلق وبعدين بضعه في جاط وبضيفله الماء البارد وبصفيه وبفرده على سدر وسيع حتى يبرد تماما

ملاحظات…

معلقة السكر ضروريه للمحافظه على اللون الاخضر لا تنسيها

اوعي تقطعي الفول وتتركيه او تاجليه بسود وبتخسريه

اياك ووضع الفول في الماء وهو بارد ايضا بسود وبتغير

اتركي الفول يبرد تماما وفرزيه باكياس التفريز بشكل مرتب حتى لا ياخذ حيز بالثلاجه

وفي النهايه استودعكم للواحد الاحد الملك الصمد وكل عام وانتم بالف خير….رمضان كريم…