المندي بالفرن
المندي بالفرن
المقادير
- دجاج حسب الحاجة
- 3 كاسات أرز بسمتي ( طويل الحبة )
- معلقة صغيرة بهارات المندي
- معلقة صغيرة عصفر
- معلقة صغيرة زنجبيل بودرة
- زيت قلي ربع كوب
- ورق غار 3 ورقات
- 3 حبات لومي
- هيل حب
- فلفل أسود حب
- قرفة 2 عود
الخطوات
اول شي مننقع الأرز لمدة نص ساعة بعدين منغسلو ومنحطو بالطنجرة الي بدنا نحطها بالفرن ومنحط عليها زيت قلي لحاجة الأرز يعني شي 4 معالق كبار ومنحط البهارات الصحيحة والملح
تاني شي منجيب صحن ومنحط فيو ربع كوب زيت قلي مع الزنجبيل والعصفر والملح وبهار المندي ومنخلطهم كتييييير منيح ومندهن الدجاج فيه طبعآ ( بكون غاسلة الدجاج كتيييير منيح ومنشفيتو والتقطيع متل ما بتحبي بس انا حبيت طريقة التقطيع هاي للمندي ) ومنترك الدجاج بالخلطة لمدة نص ساعة
بعدين بجيب الرز وبحط لكل كوب أرز كوب ونص ماء بعدين منحط قصدير ومنحاول انو ننزل القصدير لتحت ( تجوير ) حتى لما نحط الدجاج يكون معنا لتحت ويستوي منيح طبعآ انا حطيت طبقتين من القصدير فوق الأرز بعدين خزقت القصدير بالسكين وحطيت الدجاج فوقه وقصدرتو منيح كتييييير وعلى الفرن مباشرة لمدة ساعة ونص الى ساعتين على حرارة 180 درجة بعدين اكشفي عن الدجاج وحمري وهووووووون الحلو لما تفتحي على الأرز وتخلطي بكون تلون من الخلطة الي على الجاج حركيهم بالشوكة وقدميه ورشي علي شوية مكسرات الي بتجبيها وقدمي جنبو الدقوس وتلذذي بالطعم الررررررررررهيب وريتو عوافي ع قلب الجميع
هاي كانت أول طبخة لإلي برمضان وعجبتني وعجبت جوزي وولادي الحمدلله ورح ظل معتمديتها على طول ان شاء الله
سامحوني على كثرة الصور بس حبيت أصورلكم الخطوات كاملة
دمتم في حفظ الرحمان أختكم في الله أم عمرو
