قطايف إم عمرو ملكة رمضان
قطايف إم عمرو ملكة رمضان
المقادير
- 3 كاسات ونص ماء فاتر
- كاسة سميد ناعم
- 2 كاسة طحين أبيض
- معلقة كبيرة بيكنغ باودر
- معلقة صغيرة كربونة
- معلقة كبيرة ماء الورد
- معلقة صغيرة محلب مطحون
- معلقة كبيرة سكر
- رشة ملح
- للقطر:
- كاستين سكر
- كاسة ماء
- معلقة كبيرة عصير ليمون
- للحشو:
- جبنة بيضا
- او قشطة
- او جوز القلب
الخطوات
توضع جمييييييييييع المقادير في خلاط( الكوكتيل ) ومنخلطهم كتيييير منيح بعدين منتركهم نص ساعة يرتاحو
بعدين منحمي المقلاة ( غير لاصقة ) ولما تحمى منوطي ع النص ومنصب القطايف لحتى تنشف من فوق
بعدين ضروووووري هاي الخطوة منجيب قطعة قماش أو بشكير ومنحط قطع القطايف عليهم ومنغطيهم بقطعة تانية من القماش هيك حتى انتهاء الكمية
بعدين منبلش نحشيهم بأي حشوة انتي بتحبيها جبنة بيضا او قشطة او جوز القلب انا هون حشيتهم بقشطة وحطيت عليها جوز الهند ومعلقتين سكر
انا هووون الكمية عملت عندي تقريبآ ٥٠ حبة عملت نصهم وحطيت الباقي بالفريزر
وهون الك حرية الخيار يا بتشويهم او بتقليهم
وعلى القطر مباشرة ( ضرووووري القطر يكون بارد )
وقدميهم لحبايب قلبك بالهنا والعافية مع فنجان قهوة
أستودعكم الرحمان الذي لا تضييع ودائعه أختكم في الله أم عمرو ♥️♥️♥️♥️
