كعكة البسكوت البارده بطعم القهوه لذيذه جدا ملكة رمضان

المقادير

• ظرفين كريما
• 2 لل 3 بكيت بسكوت
• نص كوب حليب سائل بارد
• 2 بكيت قشطه أو علبة قشطه
• 2 معلقة صغيره كاكاو
• 1 ملعقه كبيره نسكافيه
• 3 معالق سكر
• لتغميس البسكوت:
• معلقة نسكافيه
• ماء

الخطوات

السلام عليكم ويسعد أوقاتكم بالخير

بقدملكم وصفة حلى رااائعه كعكة القهوه البارده سهله وبسيطه وبتنفع لأيام الصيف القادمه وكتحلايه بعد الافطار برمضان

يلااا نشوف الطريقه …..

& بنخفق الكريما والسكر والحليب البارد سوا لحتى تنفش معي الكريما وبعدين بنضيفلهم القشطه (ومعلقتين الماء عليهم معلقة نسكافيه ومعلقتين كاكاو مخلوطين سوا) بضيفهم عالكريما وبخفقهم سوا وهيك الكريما جاهزه معنا

& بنضع بالصينيه طبقه خفيفه جدا من الكريما وبعدين بنبلش باضافة البسكوت يلي مغمس بالمي والنسكافيه

اول طبقه عملتها من طبقتين بسكوت فوق بعض بعدين بنضيف طبقة كريما وبستمر بطبقة بسكوت وطبقة كريما لحتى نخلص الكميه واخر طبقه بدها تكون كريما

وبأمكانك تتحكمي بسمك طبقة الكريما بين طبقات البسكوت حسب ما بتحبي سمكها انا خليتها خفيفه

عملت معي هالكميه ثلاث طبقات من الكريما والبسكوت

& وهيك وصفة الحلى صارت جاهزه ولا اسهل من هيك

زينتها بالبسكوت المطحون ودخلتها الثلاجه لثاني يوم

او ممكن تعمليها الصبح وتقدميها المساء لانه لازم تاخذ وقتها بالتبريد

قدميها مع فنجان قهوه ولا احلى من هيك روواق

صحه وعافيه مقدما للي حاب يجربها

& وفيه بالصور كيكة زاكي للمبدعه ام جاسم جربتها وطلعت جدا طيبه يسلم دياتك يا رب ويا ريت الادمن تضيفي الرابط للي حاب يشوف الطريقه

دمتم بكل الخير1