ورق دوالي وكوسا بالفوارغ وطريقه الكرشات المطبوخه اكله متعبه بس مقدره ملكه رمضان
ورق دوالي وكوسا بالفوارغ وطريقه الكرشات المطبوخه اكله متعبه بس مقدره ملكه رمضان
ورق دوالي وكوسا بالفوارغ وطريقه الكرشات المطبوخه اكله متعبه بس مقدره ملكه رمضان
المقادير
- فوارغ وكرشات منظفه جيدا
- كيلو ورق دوالي
- ٢ كيلو كوسا حجم صغير
- ٣ كيلو ارز منقوع ومغسول ومصفى
- نص كيلو لحمه مفرومه ناعمه
- زيت زيتون وزيت نباتي مخلوطين
- هيل
- فلفل اسود
- عصير ليمونتين
- ملح
- ليه خروف حسب الرغبه
- ماء ساخن مضاف اليه بصله مقطعه ارباع وورق غار وحبين لومي و هيل صحيح لنشيل زفره الفوارغ
- لعمل الكرشه المطبوخه نحتاج:
- كرشه منظفه ومقطعه مربعات صغيره
- بصلتين حجم كبير
- زيت زيتون
- ملح
- بهارات مشكله معلقه
- ٤ عروق زعتر اخضر باوراقهم
- ماء مغلي
الخطوات
هالاكله جدااا متعبه وبتاخذ وقت بتنظيف الكرشه والفوارغ ولف الورق وحفر الكوسا بس والله اكله اكابريه وبتنهدى للملوك
رغم انا شخصيا ما بحبها
بس مع ذلك بعملها لاهلي وحبايب قلبي
وفعلا ما بتنعمل الا لحبايب الروح عقوله اختنا ام محمد
وهلا ما في وقت تعالو نشوف الطريقه والخطوات يادوب نلحق هههههه
اعذروني ما صورت الخطوات لانه كانت هالاكله عزومه لفطور اول يوم برمضان ويادوب لحقت اكمل مع شغل البيت والاطفال
&&& الطريقه&&&&
اول اشي بعد ما نظف الكرشات زالفوارغ مزبوط وهالكلمه قديش صغيره قديش فعلا متعبه هههههه
بنقع الرز وبغسله وبصفيه مزبوط وبضيفله اللحمه والملح والزيت والهيل والفلفل الاسود وبخلطهم منيح ووبلش احشي الفوارغ واغلق اطرافهم بالخيط والابره هلا هون ما تعبي كثير حشوه لانه بتفجرو
وبحفر الكوسا وبغسله منيح وبصفيه وبحشيه من نفس الحشوه الارز واللحمه
وبلف ورق الدوالي وبجهزها
بعد هيك بحط ميه ع الغاز لتغلي مع بصله وحبه لومي وورق غار وهيل صحيح وببلش اسقط الفوارغ بالمي الي بتغلي لتشد الفوارغ وتنفش وتنزل منها الزفره يعني غلوتين ثلاث فقط
هو مش سلق للاستواء مجرد نخلص من الزفره الي بالفوارغ مشان تعطي طعم طيب للدوالي
بعد هبك بطلعهم ع مصفايه وبحط بطنجره كبيره ليه خروف وزيت زيتون لتذوب شوي الليه وبنزل الفوارغ عليها لتاخذ لون خفيف
بعد هيك بطبق فوقهم الكوسا والدوالي بشكل مرتب
بحط ملح وعصره ليمونتين ومي غمره الدوالي
وبحط صحن كبير على الدوالي مشان ما يفرطو الحبات ويطلع الرز منهم
وبطبخهم عنار عاليه ليغلو اول ٥ دقايق وبوطي الغاز ليكملو استوائهم وتتنشف المي عنهم
وهون بس بجهزو خلي الطنجره مغطيه مشان ما يسود الورق وتهدى الطنجره شوي وتتشرب باقي الزيوت قبل التقديم
وبعد هيك اقلبيها بصدر كبير لتذوقي اطيب اكله عذمه الي اكلوها هههههههه
جربوها وادعولي
هلا طريقه الكرشات المطبوخه
بقطع الكرشه لمربعات صغيره قد راس العصفور
وبقطع الفوارغ الرفيعه الي صعب تنحشي طول الاصبع وبغليها غلوتين نفس طريقه الفوارغ فوق لنشيل زفرتها
وبفرم البصل مربعات وبحوسهم بزيت الزيتون والبهارات المذكوره والملح زالزعتر الاخضر وبنزل عليهم الكرشات
وبضيف مي مغليه وبتركهم بطنجره الضغط ساعه ونص عنار متوسطه لخفيفه ممكن تحتاج وقت زباده حسب ما بتستوي الكرشه
المهم ما تخلي عليها مرق كثييير ولا تنشف ع الاخر
اتوقع بالصور رح تشوفو كميه المرق بالصحون
بتمنى تجربوها لحبايبكم والف صحه وعافيه
اعذروني ع قله الصور بالخطوات كنت كثييير معجوقه
احبكم كلللللكم ♥️♥️♥️♥️
