ضلعة مشوية
ضلعة مشوية
المقادير
- ضلعة خروف او كتف خروف
- ٥ كاسات ارز بسمتي
- بهارات مشكلة
- قرنفل عيدان
- ٤ حبات جزر
- راسين بصل شرايح
- ٤ فصوص توم
- كمشة حب هيل
- فلفل اسود
- زنجبيل مطحون او طازج
- اوراق غار
- اوراق اكليل الجبل
- ملح حسب الرغبة
- للزينة:
- لوز
الخطوات
بتغسلي الضلعة وتفركيها بالملح والخل والليمون
بتنقعيها ساعة بخل وملح ومي
بعدها بتشيليها وتحطيها بصينية وتحطي معها كل المطيبات والبهارات والبصل والجزر والتوم وتحطي غمرتها مي مغليه وتغطيها بالقصدير وتحطيها بالفرن على حرارة ١٨٠ لمدة ٤ ساعات .وكل ساعة بتشوفيها اذا ناقصة مي بتزيدها لانه بدنا المرقة تبعتها
بعد ما تستوي بتصفي المرقة تبعتها وبترجعيها عالفرن وبتخليها مكشوفة خمس دقايق حتى تحمر لانها بتكون بلشت تحمر لوحدها وما تشغلي الشواية عليها حتى ما تنشف .
بتفلفلي الرز بالمرقة وما بتضيفي عليه غير رشة ملح وشوية كركم لانه كل البهارات والدسم موجود بالمرقة
وبس يستوي الرز تفرديه بسدر التقديم وتحطي الضلعة عليه وتزينيه بالجزر اللي حطيناه مع اللحمة وبترشي عليه لوز
ويقدم مع السلطة واللبن
وصحة وهنا
#ضلعة مشوية ..ام نضال
