أصابع زينب ملكة رمضان

المقادير

• 2 كأس سميد
• 2 كأس طحين
• نص كاسة زيت قلي
• كاسة وربع ماء
• 2 معلقة كبيرة يانسون مطحون
• معلقة صغيرة محلب مطحون
• 2 معلقة كبيرة سكر
• نص معلقة صغيرة ملح
• معلقة كبيرة بيكنغ باودر
• معلقة كبيرة ماء زهر
• للقطر:
• 3 كاسات سكر
• بكاستين ماء
• بمعلقة كبيرة عصير ليمون

الخطوات

1** نضع مقادير النواشف مع بعض ومنخلهم بالمعلقة بعدين مننزل بالزيت ومنبلش نبس فيهم بس لحتى يصل الزيت لكل السميد والطحين بعدين منبلش نعجن فيهم بالماء لحتى تصير عندك عجينة تتكور وطرية

2** امسكي قطعة منها واضغطي عليها اءا ما تشققت بتكون جاهزة

3** بعدين اتركي العجين ترتاح ربع ساعة

4** منحضر المبرشة ومنصير نضع قطعة من العجين ومنضغط عليها بأصابعنا لحتى يصير عنا الشكل هاد

5** منحتاج للقلي زيت غزير وحاااامي منبلش نقلي فيهم ومنوطي الغاز للنص ومنظل نقلب فيهم لحتى يتحمرو

6** منزل مبااااشرة بالقطر البارد ومنتركهم يتشربو القطر شوي بعدين منشيلهم ومنحطهم بمصفاة حتى ينزل القطر الزايد

7** وبتقدميهم لحبايب قلبك بالهنا والعافية

ويااااا رب تكون عجبتكم وبتمنى تحطوها بالفضلة عندكم وتجربوها وريتوووو عوافي يا رب

أستودعكم الرحمان الذي لا تضييع ودائعه أختكم في الله أم عمرو ♥️♥️♥️