شاورما الدجاج وخبز الشاورما الشهي ملكة رمضان

المقادير

• صدر دجاج عدد ٢
• للتتبيله:
• لبن رايب حسب الكميه يلي بدك تعمليها
• سنين توم
• قشر ليمونه كامله وهي ضروريه بالوصفه
• رشه ملح
• فلفل شطة
• بهار التوم والبصل
• ملعقة خل
• عصير نص ليمونه
• مكونات عجينة خبز الشاورما:
• كاستين طحين
• كاستين مي
• ملعقتين حليب بودرة
• بيضه
• رشة ملح
• ملعقة خل
• رشة زيت ابيض

الخطوات

طريقة تحضير تتبيلة الشاورما

اولا …

بمحضرة الطعام نقوم بفرم قشرة الليمون

ومنضيف باقي المكونات اللبن والتوم وعصير اللمون والخل والبهارات وبنخلطهن لتنعم لتتبيله

وبعدين منحطن فوق الجاج المقطع ومنخلطن ومنحطن بالبراد كذا ساعه

منحطن ع الغاز مع التقليب كل دقيقتين تقريبا لتنشف التتبيله وبيلشو يتحمرو

بالنسبه لتحضير عجينة خبز الشاورما

في خلاط كهربائي نخلط جميع المكونات

نحضر مقلاة من التيفال او لغرانيت غير قابله للالتصاق

نقوم بوضع خليط العجينه في المقلاه ونمددها

ومنحاول نطالع الرغيف رقيق مانو تخين بس يتحمر اول وجه منقلب الرغيف للوجه التاني

بس يستوي الرغيف منغطي عليه ببشكير ليطرا

صبايا جد هادا الخبز بشهي وخفيف كتير اطيب من الخبز العادي للشاورما جربوها

صبايا ضيفو لسندويشات الشاورما نعنع اخضر

وبس تلفو السندويشات حطو شوية زيت بمقلاه وحمروهن