طريقة الكبسه السعوديه روعه ملكة رمضان
طريقة الكبسه السعوديه روعه ملكة رمضان
المقادير
- دجاج مقطع حسب الرغبه
- ك أرز بسمتي
- 1 راس بصل مفروم
- 1 حبة فلفل أخضر
- فلفل حار حسب الرغبه
- 2 حبة بندوره مفرومين
- 2 معلقة صلصة البندوره
- معلقه صغيره من برش الزنجبيل أختياري
- البهارات الصحيحه :
- 2 عود قرفه
- حب هال
- 2 حبة لومي
- ورق غار
- البهارات الناعمه :
- معلقة كبيره بهارات كبسه
- معلقه كبيره ملح
- معلقه صغيره كاري
- معلقه صغيره فلفل أسود
- معلقه صغيره بهارات دجاج
- زيت ذره
- لصلصة الدقوس :
- 4 حبات بندوره
- 1 فلفل اخضر حار وحلو
- 2 سن ثوم
- معلقة صلصة البندوره
- معلقة ملح
- زيت زيتون
- عصير ليمونه او اكثر حسب الرغبه
الخطوات
السلام عليكم ويسعد أوقاتكم بالخير
بقدملكم اليوم الكبسه السعوديه بطريقتي والطعم روووعه وطريقه بسيطه وزاكيه كثييير ان شاء الله بتعجبكم وبتجربوها
يلااا نشوف الطريقه …..
ام علي قبل فتره طلبتي الطريقه وما صحلي انزلها من قبل بعتذر عالتاخير ان شاء الله بتجربيها وبتعجبك
& بنشتغل بنفس الطنجره يلي راح نعمل فيها الارز
بقلي البصل بزيت ذره ( الزيت بزيده شوي عشان الارز ) وبعد ما يتذبل بضيف عليه البهارات الصحيحه وبقلبهم وبعدين بضيفلهم البهارات الناعمه
وبضيف الفلفل الحار والفلفل الاخضر والزنجبيل وصلصة البندوره… والبندوره المفرومه بقلبهم سوا عالنار عاليه
& ثم بضيف الدجاج وبقلبه بالخلطه وبغطيه وبتركه عالنار وسط لعشر دقائق مع التقليب كل شوي عشان ياخذ لون ونكهه ..ثم بضيفله ما ساخن بغمر الدجاج بالمي وبتركه يغلي عالنار وسط لحتى يستوي بشيله وبخليه عالجنب للتحمير
& بضيف الارز البسمتي المغسل والمنقوع من قبل بصفيه وبضيفه عالمرقة الدجاج ولازم الارز يكون مغمور بالمي وبضيفله رشة ملح ولحتى يغلي وتتنشف المي بوطي النار للاخر لحتى يستوي ويفضل انه ما نحركه عشان ما يتكسر
& لتحمير الدجاج بدهنه بصلصة البندوره وعليها زيت وبحمره وقت التقديم عشان يكون ساخن
& لما يجهز الارز بسكبه بالجاط وبضع عليه الدجاج وبتزينيه حسب الرغبه انا ما زينته بشي ممكن اللوز او الفستق المقلي او البقدونس المفروم
& للاسف الدجاج تحمر زياده معي بس ضل طري هو اخذ لون زياده سهيت عنه لانه وقت الفطور بكون فيه تجهيزات واكثر من شغله بنعملها بنفس الوقت الله المستعان
طلع طعمه كثير طيب وزاكي
& لصلصة الدقوس : عالخلاط الكوكتيل عملته
وضع البندوره والفلفل الحار والحلو والثوم وعصير الليمون والملح والزيت وصلصة البندوره وبخلطهم سوا وبكون جاهز للتقديم اذا عملتيه قبل بوقت يفضل وضعه بالثلاجه
& وهيك الكبسه صارت جاهزه معنا قدمتها مع الاللبن والدقوس والطعم غير شكل و مناسبه للعزايم ومريحه
دمتم بكل الخير
