كيكة قدرة قادر ملكة رمضان
كيكة قدرة قادر ملكة رمضان
المقادير
- الطبقة الأولى:
- كوب الى ربع سكر
- ربع كوب ماء
- الطبقة التانية:
- 3 باكيتات كريم كراميل
- 3 أكواب حليب سائل
- 4 ملاعق كبيرة حليب ناشف
- علبة قشطة
- الطبقة التالتة:
- 2 بيضة
- نص كوب سكر
- كوب طحين
- نص كوب زيت قلي
- نص كوب حليب سائل دافي
- 3 ملاعق كبيرة كاكا بودرة
- معلقة صغيرة فانيلا بودرة
- معلقة كبيرة بيكنغ باودر
الخطوات
أول شي يسعدلي مساكم بكل خير ومحبة حبيبات قلبي اليوم جبتلكم القدرة قادر بطررريقة سهلة وسريعة وبسيطة وبتنفع للي عمرهم ما عملوها وخايفين تخرب معهم اعملي الطرررريقة هاي وبإذن الله ما بتخرب معك وصفة مضموووونة بإذن الله خلينا نبدأ بطريقة العمل
1/ نضع السكر والماء بالمقلاة على الغاز ومنظل نحرك فيهم لحتى يشقر لونهم منديرهم بالقالب ومنحركهم شوي على الجوانب ومنتركهم لحتى نعمل الخطوة التانية
2/ نصع الكريم كراميل والحليب الناشف والسائل والقشطة مع بعض ومنظل نحركهم على الغاز لحتى يجمدو معنا منديرهم فوق الكراميل ومنتركهم على جنب لحتى نعمل الخطوة التالتة الي هيي الكيكة
3/ نضع البيض والفانيلا والسكر ومنخفقهم كتير منيح بعدين منحط عليهم الزيت ومنخفق والحليب بعدين مننزل بالطحين والبيكنغ باودر والكاكاو ومنخلطهم منيح ( طبعآ لا تستخدمي الخفاقة الكهربائية لأنو الخفاقة العادية تفي بالغرض ان شاء الله )
4/ منشوف الكريم كراميل اذا الطبقة الي على الوجه مسكت مندير خليط الكيك عليهم بعدين منجيب صينية أكبر من القالب ونضع بها لنص القالب ماء ساخن ونضع القالب فيها وعلى الفرن مباشرة لمدة ساعة او حسب ما انتي تختبريها وتكون استوت معك
بعدين بتتركيها ترتاح وتبرد بدرجة حرارة الغرفة بعدين منحطها بالتلاجة أقل شي ٨ ساعات أول قبل بيوم بكون أفضل
وتاني يوم لما أطلعها بسخن ماء بصينية وبحط القالب في بس لمدة دقيقة حتى يذوب الكراميل ومنقلب ومنقدمها
وعاااادي جدآ اذا طلع شي بسيط من خليط الكراميل وانتي بديري خليط الكيك لا تخافي كل الأمور رح تصير تمام لما تبرد
بس في هون ملاحظة كتيبييييييير مهمة والي هيي لاااااااااااازم ندهن القالب بالزيت قبل ما نبدأ بأي شي وندهنو كتير منيح كااااااااامل
وتقدم بالهنا والعافية
يا رب تكون وصفتي لليوم عجبتكم وبتمنى تحطوها بالمفضلة عندكم
أستودعكم الرحمان الذي لا تضييع ودائعه أختكم في الله أم عمرو ♥️♥️♥️♥️
