بيتزا بطريقتي ملكة رمضان
بيتزا بطريقتي ملكة رمضان
المقادير
- 4 أكواب طحين أبيض
- نص كوب زيت قلي
- 3 ملاعق كبيرة حليب ناشف
- معلقة كبيرة خميرة فورية
- معلقة صغيرة ملح
- معلقتين كبار سكر
- تقريبآ كوب ماء دافئ للعجن
- للحشو:
- بندورة
- فليفلة
- فطر
- زيتون أخضر او أسود
- مرتديلا أو نقانق
- جبنة موزاريلا
الخطوات
1 / نضع الطحين والخميرة والسكر والملح والحليب ومنخلطهم مع بعض وبعدين مننزل عليهم بالزيت ومنبسهم كتير منيح لحتى الزيت يصل لكل النواشف بعدين منعجنهم بالماء الدافئ بجوز تاخد كاسة ماء وبجوز أقل حسب الطحين الي عندك بعدين منعطيهم بالنايلون ومنحطهم بمكان دافى لمدة نص ساعة
2 / نضع قطعة من العجين في الصينية ومنفردها ومنخزقها بالشوكة ونضع عليها صوص البيتزا أو كاتشاب انا هون استخدمت الكاتشاب لأنو ابني بيجبو وما بيرضى أحط الى كاتشاب
3 / نضع عليها المكونات الفطر والزيتون والنقانق والبندورة والفليفلة والجبنة
4 / نضعها بالفرن لحتى يتحمر القاع من تحت منحمرها من فوق ومنقطعها وتقدم بالهنا والعافية
يااااا رب تكون عجبتكم وبتمنى تحطوها بالمفضلة عندكم
أستودعكم الرحمان الذي لا تضييع ودائعه أختكم في الله أم عمرو ♥️♥️♥️♥️
