الكنافة الاصابع ملكة رمضان

المقادير

• نص كيلو عجينة كنافة خشنة (الشعر)
• كوب فستق حلبي او اي نوع مكسرات بتحبي تستخدمي
• كوب سمنة سايحة
• قطر ثقيل وبارد
• عيار القطر:
• ثلاثة كوب سكر
• كوب ونص ماء
• عصرة ليمون

الخطوات

السلام عليكم صديقاتي ربي يسعد اوقاتكم يا رب

اليوم جبتلكم وصفة سهلة وفخمة بكل معنى الكلمة ان شاء الله تعجبكم وتدعولي يا غاليات

اول شي بجيب شعر الكنافة اذا كانت طازجة افضل شي واذا مفرزة بتركها تبرد بالثلاجة وتفك افضل من تطلعيها برا الفريزر على طول ع درجة حرارة المطبخ

هسة لازم تكون العجينة طويلة لف مو مقطعة

باخد خصلة من الشعر وبحط الفسق الحلبي على الطرف وبلفها اصبع وبكربها مزبوط عشان تمسك معك وبعدين بحطها بصينية الفرن وبس اخلص كل الكمية بجيب السمنة السايحة وبشرب فيها الكنافة ولازم تكون مشربة مزبوط بالسمنة عشان تتقلى وتقرمش وبدخلها الفرن محمى مسبقآ على درجة حرارة متوسطة وبس تاخد لون من تحت بحمر الوجة وبس تطلع من الفرن بصفي السمنة الزيادة وبشربها بالقطر البارد الثقيل وبقدمها باردة بألف صحة وهنا عليكم

للقطر

بحط السكر والمي ع الغاز بس يغلي بحط عصرة الليمون وبتركو يعقد عشر دقايق وبتركو يبرد لوقت الاستخدام

الصورتين الاخيرات كنافة خشنة بالجبنة

سامحوني على المنظر المؤلم