مشاوي بدون شوي ملكة رمضان

المقادير

• ثمانية صدور دجاج مخلي من العظم ومنظف للكباب
• كزبرة خضرة
• بصلة
• ثلاث سنون ثوم
• معلقتين زيت نباتي
• البهارات والتوابل :
• ثوم باودر
• بصل باودر
• بابريكا حلوة
• بابريكا حارة
• كاري
• بهارات تندوري
• ماجي باودر
• ملح
• فلفل اسود
• ملح ليمون للشقف
• زيت قلي للتدخين وللقلي

الخطوات

السلام عليكم صديقاتي يعطيكم الف عافية يا رب اليوم جبتلكم المشاوي بدون شوي

كيييييف مشاوي بدون شوي

انا بحكيلكم كيف

اول شي رح اعمل كباب باخد اربع صدور دجاج وبفرمهم بالمحضرة وبفرم معهم ثوم وبصل وكزبرة خضرة وبحطلهم كل التوابل المذكورة بس بدون ملح ليمون وبحطلها معلقتين زيت وبعجنهم منيح وبشكلهم اصابع طويلة وبحطهم بالثلاجة يتماسكو

هسة الشقف بجيب اربع صدور دجاج وبقطعهم مكعبات بحجم وسط وبتبلهم بالتوابل المذكورة وبضيفلهم شوية ملح ليمون وبخلطهم منيح وبحطهم بالثلاجة يتشربو النكهة

هسة سر نكهة الشوي رح تكون بالزيت المدخن

بجيب كمية مناسبة للطبخة زيت نباتي وبولع فحمة بس تجمر ع الاخر بحط قصديرة بعملها ع شكل صحن صغير وبحطو فوق الزيت الي بالطنجرة وبحط الفحمة بالقصديرة وبحط عليها شوية زيت وبغطيها مباشرة لمدة عشر دقايق مش اكثر وبفتح علها وبشيل الفحمع مع القصديرة وبتخلص منها وبشتغل بالزيت المدخن

هسة بعد ما تماسك الكباب وتشرب الشقف النكهة بجيب قلاية فيها زيت غزير وبحط معو كمية من الزيت المدخن وبقلي في الدجاج الكباب والشقف بس ياخد لون حلو ويستوي ثلاث ارباع سوى بشيلو وبحطهم بطنجرة فيها وبحط عليهم الزيت المدخن وبحطلهم نص كاسة مي وبحطهم ع الغاز وبغطي عليهم على نار هادية ليستوي مزبوط ويكم سوى وبعدين لتعزيز نكهة الشوي بولع فحمة تانية وبحطها بنفس طريقة الاولى بصحن قصدير وبحطلها شوية زيت وبغطيها لمدة عشر دقايق وبعدين بقدمهم مع الخبز الي نزلت طريقتو قبل فتة خبز توروتيلا بالخلطة التركية يا ريت الادمن تنزل رابط الوصفة هون

وبقدمهم وبزينهم بالبقدونس والبصل المفروك بسماق وملح

طبعآ الطعم خرااااافي والله كأنك عامليتو ع الفحم اشي فاخر ع الاخر جربوها ودعولي دعوة حلوة متلكم