مهلبية الشوفان بالبندق حلو سريع بطعم رائع ملكة رمضان

المقادير

• مقادير القشطة :
• نصف لتر حليب (٢ كوب)
• ثلاث أرباع ملعقة خل
• لمزيج المهلبية منحتاج:
• كوبين وثلاث أرباع حليب
• ثلث كوب من القشطة اللي حكينا عنها فوق
• ملعقتين ونصف نشا
• ملعقة طحين
• ٣ ملاعق سكر أو حسب الرغبة
• ظرف فانيليا
• ة ثلث كوب شوفان
• ثلث كوب بندق مكسر أو أي مكسرات بتحبوها (بس البندق رائع)

الخطوات

“بسم الله الرحمن الرحيم”

* لتحضير القشطة منحط الحليب عالنار وأول ما يبلش يغلي منحط الخل ومنحرك منلاقي الحليب بلش يفرط

* بس تفصل القشطة عن المصل الشفاف منطفي ومنصفيها ومنخلي ملعقة كبيرة من الماء اللي انفصل من الحليب ومنطحن القشطة معها لتنعم ونستخدمها بباقي الوصفة

* لتحضير مزيج المهلبية منخلط كل المكونات عالبارد ومنحطهم عالنار ومنحرك باستمرار ليسمك الخليط ويبلش يغلي منطفي النار ومنضيف عليه الشوفان وهو سخن ومنحرك ليختلطلو منيح منضيف البندق

* منحركهم ومنتركهم يبردو بحرارة المطبخ وبعدا منحطهم بالبراد حوالي ساعتين بتصير أكلتنا جاهزة

* جربوها وماتنسو تدعولي بهالأيام المباركة

بحبكن كتيييير يا أحلى وردات