منسف اردني ملكة رمضان
منسف اردني ملكة رمضان
المقادير
- لبن جميد كركي
- لحمة خروف كتف
- لبن مخيض
- لبن رايب
- رز
- زيت او سمنة
- ماجي حسب الرغبة
- خبز شراك
- لوز
- ملح
الخطوات
مرحبا يا حبيباتي اليوم طبختي المنسف الاردني
اول شي يا قلبي بننقع اللبن الجميد قبل بيوم بماء دافئ وتاني يوم بنحطو بالخلاط وبنخلطو كتييير منيح وبنصفيه طبعا وبنكون حطينا اللبن المخيض في الطنجرة الي بدنا نطبخ فيها اللبن وبنصب الجميد فوفه وبنجيب علبة اللبن الرايب وبنحطها بالخلاط مع رشة ملح وبنصبه فوق اللبن الجميد الي بالطنجرة بنكون احنا منضفين اللحمة وحاطينها بطنجرة الضغط عشان تستوي بسرعة مع هيل حب لحتى ما يطعم باللبن مع بصلة وبناخد مرقة اللحمة بعد ما نصفيها وبنحطها فوق اللبن وبنخليه يغلي شوي مع اضافة الماجي حسب الرغبة بس بنصفيه قبل ما نضيفو وبعد ما يستوي بنحط اللحمة باللبن تغلي غلوة وبنطفي عليه
وبنسوي الرز جنبو واللوز على الوجه وخبز شراك تحت الرز وبنسقيه لبن
ولا تنسوني من دعواتكم بالشهر الفضيل
