قطايف بحشوة القشطة و قمر الدين ملكة رمضان
قطايف بحشوة القشطة و قمر الدين ملكة رمضان
المقادير
- عجينة القطايف
- كاسة طحين منخل
- ربع كاسة سميد
- كاسة ونص مية دافية
- ملعقة كبيرة حليب باودر
- ملعقتين كبار كاسة سكر
- نص ملعقة صغيرة غير ممتلئة بيكنغ باودر
- نص ملعقة صغيرة غير ممتلئة خميرة
- نص ملعقة صغيرة ماء زهر او رشة فانيلا بودرة او رشة مستكة او رشة محلب حسب الرغبة
- رشة ملح
- للقشطة:
- كاستين مية
- تلات أرباع الكاسة حليب باودر
- ملعقتين كبار خل أبيض
- للمهلبية:
- كل كاسة حليب بدها ملعقة كبيرة نشا و سكر حسب الرغبة
- لإعداد قمر الدين:
- كل ١٠٠ غم قمر الدين بده كاسة مية سخنة و ملعقتين كبار سكر
- مهلبية قمر الدين:
- كل كاسة عصير قمر الدين تقيل بدها ملعقة كبيرة نشا وممكن تحتاج كمان شوية وسكر حسب الرغبة
الخطوات
بالخلاط بتحطي كل المكونات ماعدا الطحين
بتضيفي الطحين بالتدريج مع الخلط و بتتاكدي انه مافيه كتل طحين بالاطراف بتصفيها بصحن وبتغطيها بالنايلون
بتتركيها ترتاح من ١٠ دقائق لربع ساعة
بتحركيها و بتصبيها بمقلاة غير لاصقة سميكة، حامية على نار متوسطة الحرارة من النص و بتتركيها لينشف الوجه و تظهر فقاعات بتحطيها بصحن مغطى لحتى ماتنشف
*حسب نوعية الطحين وامتصاصه للسوائل اذا كان الخليط تقيل ماحيطلع فقاعات بتضيفيله من ملعقة لتلات ملاعق كبيرة مية دافية وبتخلطيه
إذا كانت حرارة الغاز كتير حامية ما حتزبط الحبات
للقشطة
بتخلطي المية مع الحليب وبتحطيها على نار هادية ليسخن بتضيفي الخل لحتى يفصل بتصفيه
بتخلطي الحليب مع النشا و السكر على البارد بعدها على نار هادية مع التحريك المستمر لتغلي و تتكاثف (حسب نوعية النشا ممكن تحتاج كمان شوية نشا مذوب بحليب بتضيفيه مع التحريك المستمر)
بتضيفي القشطة و بتخلطيهم سوا وبتتركيها لتبرد
بقالب متحرك القاعدة بتحطي قطعة قطايف عليها القشطة
مهلبية قمر الدين
بتنقعي القمر الدين بمية و سكر وبتتركيه ليذوب بتحطيه بالخلاط
بتخلطي عصير قمر الدين مع السكر و النشا على البارد بعدها على نار هادية مع التحريك المستمر لتغلي و تتكاثف
بتوزعيها على القشطة وبتحطي عليها حبة قطايف وتقدم مع القطر
بالهنا والشفا يارب
