قطايف
قطايف
المقادير
- عجينة القطايف:
- كاستين طحين منخل
- تلات كاسات مية دافية
- نص كاسة سميد
- ربع كاسة سكر
- ملعقة صغيرة غير ممتلئة بيكنغ باودر
- ملعقة صغيرة غير ممتلئة خميرة
- رشة ملح
- ملعقة صغيرة ماء زهر او رشة فانيلا بودرة او رشة مستكة او رشة محلب حسب الرغبة
- ملعقتين كبار حليب باودر
- لحشوة الجوز:
- جوز قلب مقطع
- جوز هند
- قرفة
- نقطة ماء زهر حسب الرغبة
- القشطة:
- كاستين حليب سائل
- ملعقة كبيرة نشا
- ملعقة كبيرة طحين
- ملعقة كبيرة سميد
- ملعقة كبيرة زبدة
- رشة فانيلا بودرة
- ملعقتين كبار سكر
الخطوات
بالخلاط بتحطي كل المكونات ماعدا الطحين
بتضيفي الطحين بالتدريج مع الخلط و بتتاكدي انه مافيه كتل طحين بالاطراف بتصفيها بصحن وبتغطيها بالنايلون
بتتركيها ترتاح من ١٠ دقائق لربع ساعة
بتحركيها و بتصبيها بمقلاة غير لاصقة سميكة، حامية على نار متوسطة الحرارة من النص و بتتركيها لينشف الوجه و تظهر فقاعات بتحطيها بصحن مغطى لحتى ماتنشف
*حسب نوعية الطحين وامتصاصه للسوائل اذا كان الخليط تقيل ماحيطلع فقاعات بتضيفيله من ملعقة لتلات ملاعق كبيرة مية دافية وبتخلطيه
إذا كانت حرارة الغاز كتير حامية ما حتزبط الحبات
لحشوة القشطة بتخلطي على البارد كاستين حليب سائل مع ملعقة كبيرة غير ممتلئة نشا و ملعقة كبيرة غير ممتلئة طحين و ملعقة كبيرة غير ممتلئة سميد وملعقتين كبار سكر بتحطيها على نار هادية مع التحريك المستمر لتغلي و تتكاثف اخر شي بتضيفي رشة فانيلا بودرة وزبدة
إذا كانت كمية الحشوة كبيرة جوا الحبة حتتفتح
بالهنا والشفا يارب
