معكرونة باشميكانو غير شكل (طبعاً تسميتي) ملكة رمضان
معكرونة باشميكانو غير شكل (طبعاً تسميتي) ملكة رمضان
معكرونة باشميكانو غير شكل (طبعاً تسميتي) ملكة رمضان
وطبعاً حضرتي سميتها بهالاسم لأنها عبارة عن جمع معكرونة مكسيكانو مع معكرونة بشاميل على مخدة وحدة (عفواً قصدي طنجرة وحدة) وبالتالي طعم مميز وخرافي لازم تجربوه
مارح طول عليكم أكتر هلمو بنا نرى المقادير:
المقادير
- للمعكرونة منحتاج:
- نصف كيلو معكرونة
- نصف كيلو صدور دجاج (ممكن اقل طبعاً)
- نصف كوب فليفلة خضرا
- نصف كوب درة
- ثلاث أرباع الكوب فطر
- ملعقة وربع دبس بندورة
- ملح
- رشة فلفل أسود
- نصف ملعقة بابريكا
- للبشاميل منحتاج:
- ملعقتين زبدة
- ٣ ملاعق زيت
- ٣ ملاعق طحين
- مكعب ماجي (اختياري)
- ربع ملعقة هيل مطحون
- ربع ملعقة قرفة مطحون
- ملح
- رشة فلفل أسود
- ٣ كوب حليب
- ثلث كوب كريمة طبخ (اختياري)
- قشقوان أو موزاريلا
الخطوات
“بسم الله الرحمن الرحيم”
* رح نقلي الجاج بالزيت ليستوي ثلاث أرباع استواء منضيف عليه الفطر والدرة والفليفلة ودبس البندورة مع البهارات ومنقلب كل شي سوا ومنغطي عليهم كم دقيقة لتدبل الخضار
* بس يدبلو ويمتزجو سوا رح نضيف المعكرونة وماء مغلي ومنركز الملح طبعا ومنغطي لتستوي المعكرونة
* بطنجرة تانية رح نحضر البشاميل
منحط كل شي بالطنجرة ماعدا الحليب والكريمة ومنحمصهم مع بعض
وبعدا منبلش نضيف الحليب بالتدريج ومنخلط طبعا لحتى مايتكتل عنا ومنضيف الكريمة (إذا حابين) ومنستمر بالتحريك ليبدأ البشاميل يغلي ويسمك
* لما تستوي المعكرونة منضيف عليها نصف كمية البشاميل ومنقلب كل شي سوا
* منصبهم على جاط ومنحط عالوش النصف التاني من البشاميل وفوقو قشقوااااان (الدلع كلو)
ومندخل الجاط عالفرن كم دقيقة ليسيح القشقوان وبسسس صارت وصفتنا اللذيذة جاهزة للهجوم
* عملوها ودعولي وبعتولي لدوق معكم
