مسخن فلسطيني ملكة رمضان
مسخن فلسطيني ملكة رمضان
المقادير
- دجاج حسب الحاجة وبالتقطيع الي انتي بتحبي وبترعبي فيه
- 4 رووس بصل كبار مقطعات هلالات
- كأس كبير زيت زيتون
- 4 ملاعق كبيرة سماق
- باكيت ماجي بودرة
- فلفل أسود معلقة صغيرة
- ملح حسب الرغبة
- خبز مشروووح خاص للمسخن
الخطوات
أول شي نسلق الدجاج سلق كامل وبعدين نضع البصل وزيت الزيتون بصيتية وعلى الغاز منظل نقلب فيهم لحتى يتذبلو منحط عليهم السماق والفلفل الأسود والملح والماجي ومنقلبهم مع بعض بعدين منحط فوقهم الدجاج المسلوق ومنقلبهم شي 10 دقائق لحتى الدجاج يتنكه من الزيت والبصل والسماق بعدين بطفي عليهم الغاز
تاني شي منجيب خبز المشروح ومنغطو بشوربة الدجاج ومنفردو بالسدر بعدين منحط طبقة وفيرة من البصل الي عملنا وبعديها منرجع نغط رغيف تاني بالشوربة بس طبعآ لما أغط الرغيف بسرعة لحتى ما يذوب معنا والشوربة ضروووووري تكون سخنة بعدين منحط الرغيف فوق البصل ومنرجع منحط طبقة وفيرة من البصل ومنظل نكرر الطبقات لحد ما انتي كم طبقة بدك تعملي انا هون عملت بس طبقتين لأنو عيلتي صغيرة بعدين منحط الدجاج على الوجه ومندير الزيت الي معنا بالصينية ع الوجه ومنزينو بكاجو مقلي او أي نوع مكسرات ومنرش رشة سماق وعلى الفرن مباشرة منحمر الوجه
ومنقدمووووو بالهنا والعافية
وهيك خلصت وصفتنا لليوم يا رب تكون عجبتكم وبتمنى تحطوها بالمفضلة عندكم
أستودعكم الرحمان الذي لا تضييع ودائعه أختكم في الله أم عمرو ♥️♥️♥️♥️
