حلا أم عمرو المنعش ملكة رمضان
حلا أم عمرو المنعش ملكة رمضان
المقادير
- 3 باكيتات بسكويت شاي حجم كبير
- أصبعين زبدة حجم صغير
- كاسة كبيرة كريمة ناشفة
- كأس حليب متلج
- علبة قشطة
- 3 حبات جبن كيري ( ممكن الإستغناء عنه)
- باكتين جيلي بنكهة الفراولة نباتي
- للتزيين:
- فستق حلبي
- جوز الهند
- بسكويت مطحون
الخطوات
اول شي منطحن البسكويت طحن ناعم ومنحط عليه الزبدة الذايبة ومنعجنهم مع بعض ومنحطهم بالبايركس حجم كبير ومنرصهم كتير منيح
تاني شي منخفق الكريمة مع الحليب المتلج بعدين منضيف عليهم القشطة والجبنة بعد ما نهرسها ومنخفقهم كتييير منيح ومنحطهم طبقة تانية فوق البسكويت
تالت شي منحط 3 أكواب ماء مغلي فوق الجيلي ومنحركهم لحنى يذوبو ومنتركهم ع جنب منظل كل شوي نحركهم لحتى يفترو أو تروح منهم السخونة منديرهم فوق الكريمة بكل هدووووء
رابع شي منحطها بالتلاجة أقل شي ساعتين او تلات لحتى تبرد تمامآ بعدين منزينها ومنقطعها وتقدم بالهنا والعافية
وهيك خلصت وصفتنا لليوم يا رب تكون عجبتكم وبتمنى تحطوها بالمفضلة عندكم
سااااااامحوني على كثرة الصور بس حبيت أشرحلكم كل الخطوات لحتى تسهل عليكم الوصفة
أستودعكم الرحمان الذي لا تضييع ودائعه أختكم في الله أم عمرو ♥️♥️♥️♥️
