صينية سمك بالطحينيه ملكة رمضان

المقادير

• 2 كيلو سمك اي نوع حبتين كبار
• ليمون
• 3 معالق كبار طحينه
• معلقه كبيره كمون
• معلقه كاري او بهارات مشكله
• فلفل اسود معلق صغيره
• ملح حسب الرغبه
• رشه زغيره ثوم باودر
• فنجان زيت زيتون
• معلقه كبيره من بهارات السمك اختياري
• حبتين بطاطا

الخطوات

بسم الله الرحمان الرحيم

يسعد اوقاتكم جميعا وتقبل الله طاعاتكم وابعد عنكم البلاء وحماكم جميعا

طبعا حبيباتي السمك من الاكلات المحببه لدى الجميع وممكن عملها بعدة طرق شوي قلي صينيه زي ما بدك لكن طريقة التجهيز والتتبيل الها دور كبير في طعم الاكل ونجاحه

تعالو نشوف هالطريقه السهله والسريعه بدون فرن

اول شي بنظف السمك بالطريقه المعتاده وبغسله مزبوط من الداخل والخارج عدة مرات وبعصرمن المي وبضيفله التتبيله الملح والفلفل والكزبره والكمون والليمون وبهارات السمك وزيت الزيتون ورشة التوم الباودر وبخلطه مزبوط مع السمك من الداخل والخارج وبتركه ليله كامله بالثلاجه او ساعتين على الاقل انا تركته ساعتين وفي هذا الوقت جهزت السلطات والشوربات وكل ما يلزم

هسا بنبلش بالسمك الك الحريه تشويه بالفرن او تقليه انا اخترت القلي لانه افراد الاسره عندي بفضلو القلي عن الشوي مع انه الشوي صحي اكثر

بنحضر صحن بنضع فيه كميه من الطحين لاتكثري حت ما تضطري تكبيه بنحلطه برشه ملح وفلفل اسود وبهارات السمك وبنبلش نقلي بعد ما نحمي الزيت بنزل النار للوسط حتى ما ينحرق من الخارج ويضل ني من الداخل وبعد ما انتهيت من القلي قسمت الكميه لقسمين قسم زينته بالليمون والبقدنس وتركته والقسم الثاني صفيته بالصينيه وضفتله مزيج الطحينيه المغلي وتركته شوي على نار متوسطه حتى تسبك وزينته بالبطاطا المقليه والبقدونس فعلا كانت سهله وشهية جدا وقدمتها مع البقدونسيه ومبتبل الباذنحان بالبندوره

طريقة عمل مزيج الطحينه

وضع ثلاث معالق طحينيه بصحن عميق وبعصر عليهم عصير ليمونه وبشيل البذور لانها بتعمل مرار بالاكل بضيف رشة ملح وكاسة مي فاتره وبحركهم مزبوط وبضربهم بالخلاط وبغليهم على الناراذا كانت كثيفه بزبطها بشوية مي دافيه

بتمنى انها تعجبكم يا احلى صبايا

استودعتكم لله الذي لا تضيع ودائعه