طريقة عمل القطايف سهله وبسيطه وطيبه ملكة رمضان
طريقة عمل القطايف سهله وبسيطه وطيبه ملكة رمضان
طريقة عمل القطايف سهله وبسيطه وطيبه ملكة رمضان
المقادير
- 3 كوب طحين
- نص كوب سميد
- 2 ملعقه صغيره بكنج باودر
- نصف ملعقه صغيره كربونات الصودا (كربونه )
- رشة ملح
- 3 ملاعق حليب بودره
- 4 كوب ماء دافئ
- ملعقه صغيره فانيلا
- 2 ونص ملعقه سكر
- لحشوة القطايف :
- جبنه حلوه وقشطه
- قطر بارد
الخطوات
السلام عليكم ويسعد أوقاتكم بكل خير
بقدملكم اليوم طريقة القطايف
اكثر من وصفه نزلت عالزاكي هالايام وكلهم رووعه
ما شاء الله …بس حبيت اقدم طريقتي وان شاء الله بتعجبكم وجربوها كثير زاكيه
يلااا نشوف الطريقه ….
& بنخلط المواد الجافه مع بعض السميد والطحين والبكنح باودر والكربونه ورشة ملح وحليب البودره والفانيلا
& بضع اربع اكواب من الماء الفاتر بالخلاط الكهربائي او المحضره وبضيفلهم المواد الجافه وبخلطهم سوااا
& بعد الخلط بضيفله السكر وبحركه ( ممكن اضافة معلقه من ماء الزهر ) وبترك الخليط خمس دقائق يرتاح وبعدين بصبه بشاف او ابريق يلي يسهل علي صب القطايف بالمقلاه
& بسخن المقلاه غير لاصقه لمدة خمس دقائق ومن ثم بوطي النار لأقل من الوسط وببلش بعمل القطايف بصب من الخليط لحتى يتشكل عندي الشكل المطلوب والحجم حسب ما بتحبو صغير ام كبير ..لازم الخليط ينصب بنص المقلاه
ولما يتنشف قرص القطايف بشيله وبغطيه عشان ما ينشف
لحتى يبرد تماما
وهيك بكون جاهز للحشي والقلي او للتفريز
طبعا بنحشيه وبعدين بنضعه بعلب او اكياس تفريز وبفرزه
& للحشوه استخدمت جبنه حلوه
وقشطه يلي نزلتها بالوصفه الماضيه
بنقليه بزيت غزير وحامي ولما يوصل للون المطلوب بنشيله وبنضعه بقطر بارد (القطر لا ثقيل ولا خفيف قوامه وسط )
وهيك صار جاهز معنا للتقديم
وصحه وعافيه
دمتم بكل الخير
