مسخن فلسطيني
مسخن فلسطيني
المقادير
- المقادير للعجينة:
- ٦ كاسات طحين
- معلقة خميرة كبيرة
- معلقة سكر صغيرة
- ملح حسب الرغبة
- فنجان زيت زيتون
- ماء دافي للعجن
- مقادير المسخن:
- ٦ بصلات كبيرة
- نص كوب سماق
- معلقة كبيرة كمون
- زيت زيتون حسب كمية البصل
- ملح حسب الرغبة
- دجاجتين مقطعة
الخطوات
طبعا انا عملت ٣ كاسات طحين مع معلقة خميرة ومعلقة سكر وفنجان زيت زيتون ورشة ملح وعجنتهم وتركتهم ساعة لحتى اختمروا قطعتهم ٦ قطع بحجم رغيف الخبز العادي .وتركتهم ربع ساعة يختمروا
حطيت الصاجة على راس الغاز وشعلتها وشعلت الشواية تبعت الفرن .وصرت ارق بالعجينة لحتى تصير بحجم خبز التنور وبس حميت الصاجة حطيت العجينة عليها وبس احمرت من تحت نزلتها ع الشواية لحتى تحمر من فوق
وهكذا حتى انتهيت من الست كرات العجين
وقشرت ٦ روس بصل كبار وفرمتهم وقلبتهم ع النار بزيت زيتون ولما تذبلوا اضفتلهم السماق ورشة ملح ورشة كمون
وبلشت افرد البصل فوق كل رغيف مشروح وحطيتهم فوق بعض وحطيتهم بالفرن بالرف اللي بالوسط وبعد ما تحمروا من تحت حمرتهم من فوق
طبعا الجاج ما سلقته سلق شويته شوي بالفرن وانا عادة بجمع الجوانح ورقاب الجاج وبسلقهم وبعمل عليهم شوربة
وعادة مع المسخن بعمل شوربة فريكة ،لهيك سلقت الجوانح والرقاب وعملت عليهم شوربة فريكة طلعت مممم
وصحة وعوافي
#مسخن ..ام نضال
