خبز رمضان التركي ملكة رمضان
خبز رمضان التركي ملكة رمضان
المقادير
- كاسة ونص حليب سائل دافي
- معلقة كبيرة سكر
- معلقة كبيرة خميرة فورية
- ربع كاسة زيت قلي
- 3 كاسات ونص طحين
- للوجه:
- صفار بيضة
- معلقة حليب سائل
- سمسم
- قزحة
الخطوات
اول شي نضع الحليب والسكر والخميرة ومنحركهم مع بعض بعدين منغطيهم ومنتركهم خمس دقائق بعدين منحط عليهم الزيت ومنحركهم بعدين منبلش نزل الطحين بالتدريج ونعجن لحتى يصير عنا عجينة طرية وما بتلزق باليد بعدين منغطيها ومنتركها ساعة بمكان دافي بعدين منفرد الصينية بورق الزبدة او بزيت بعدين منفرد العجينة بس ننتبه ما بدنا اياها تكون رقيقة بعدين منبلش نعمل فيها خطوط بالطول وبالعرض وعلى داير العجينة طبعآ بالخطوط ما رح تتشكل معك مزبوط الى اذا بللتي أصابعك بالماء وعملتي خطوط بتطلع معك تمام بعدين مندهن الوجه بصفار البيض المخلوط مع الحليب ومنرش سمسم وقزحة على الوجه ومنغطيها ومنتركها ربع ساعة ترتاح بعدين منرجع نعلم على الخطوط كمان مرة لأنو بتكون انتفخت وشبه اختفو الخطوط لهيك لاااازم نرجع نعلم عليهم وعلى الفرن مبااااشرة لمدة ربع ساعة بعدين منحمر الوجه وأول ما أطلعها من الفرن لااااااازم أدهنا بدهنة خفيفة من زيت الزيتون بعدين بغطيها لمدة نص ساعة
وتقدم لحبايب قلبك بالهنا والعافية
وهيك خلصت وصفتنا لليوم يا رب تكون عجبتكم وبتمنى تحطوها بالمفضلة عندكم
أستودعكم الرحمان الذي لا تضييع ودائعه أختكم في الله أم عمرو ♥️♥️♥️♥️
