سينابون بعجينة العشر دقائق
سينابون بعجينة العشر دقائق
المقادير
- للعجينة نحتاج إلى:
- ٥ كاسات طحين
- ٢ كاسة ماء دافئ
- ٢ معلقة كبيرة خميرة
- ٢معلقة كبيرة سكر
- رشة ملح
- ٤ معالق حليب بودرة
- نص كاسة زيت مخلوط مع زبدة سايحة
- للحشوة:
- سكر ابيض
- قرفة
- معلقة كاكاو حسب الرغبة
- لدهن العجين:
- زبدة سايحة
- للتقديم:
- حليب مكثف محلى
- صوص كراميل
- صوص شوكولاته
- عمل الحليب المكثف المحلى بالبيت:
- كاسة حليب بودرة
- كاسة سكر مطحون
- نصف كاسة ماء ساخن
- معلقة زبدة
- فانيلا
الخطوات
بسم الله الرحمن الرحيم
اول شي بنحط كاستين طحين وكاستين ماء دافئ و٢م.ك خميرة مع ٢م.ك سكر ورشة ملح بنخلطهم منيح وبنغطيهم وبنتركهم ١٠ دقائق او ربع ساعة بنضيفلهم كمية الطحين الباقية (٣كاسات)مع الحليب البودرة والزبدة والزيت وبنعجنهم منيح
بنقسم العجينة ٣اقسام وبتركها ترتاح شوي
بندهن تحت العجينة زيت وبنرقها عشكل مستطيل
وبندهنها زبدة سايحة وبنرش القرفة والسكر والكاكاو
وبنلفها
بعد ما صار شكلها رول بنقطعها اما بالسكين او بالخيط وانا بفضل بالخيط بتحافظ عشكلها
بنحطهم بصينية مدهونة بزيت وبنتركهم ٢٠ دقيقة قبل الخبز حتى يتضاعف حجمهم
الفرن بهاي الفترة بكون حامي بنخبزهم واول ما يتحمرو من تحت بنرفعهم عالشواية وننتبه عشان ما يتغير لونهم كتير
وعند التقديم بنحط عليها أي صوص بتحبوه
***عمل الحليب المكثف المحلى بالبيت:
بالخلاط نضع الماء الساخن والزبدة حتي تنخلط بسهولة وبعدين بنضيف السكر المطحون والحليب والفانيلا وبنخلط ليتجانسو
آسفة إني طولت عليكم بس بحب اعطي الشرح كامل❤❤جربوها واحكولي رأيكم
