البخاري ملكة رمضان
البخاري ملكة رمضان
المقادير
- كاستين أرز طويل الحبة
- نص دجاجة
- 3 حبات جزر
- 2 حبة بندورة
- 2 راس بصل وسط
- نص كاس زبيب
- معلقة كبيرة رب البندورة
- لومي
- ورق غار
- كمون مطحون
- كزبرة مطحونة
- باكيت ماجي بودرة
- لدهن الدجاج:
- 3 معالق كبار زيت زيتون
- معلقة كبيرة رب البندورة
- نص معلقة صغيرة كركم
- معلقة صغيرة كمون
الخطوات
أول شي منجيب الطنجرة ومنحط فيها زيت قلي بس يحمى الزيت منزل نص كمية الجزر المبروش والزبيب ( طبعآ الزبيب بكون منقوع أقل شي ربع ساعة ) بعدين منظل نقلب بالجزر والزبيب لحتى يتذبل الجزر منشيلو هو والزبيب بصحن على جنب ومنحط بالزيت نفسه البصل والبهارات الخشنة الي بتحبيها وبتظلك تقلبي بعدين بتنزلي البندورة والبهارات الناعمة ومن ثم الدجاج ورب البندورة ومنظل نقلب فيهم أقل شي 5 دقائق لحتى الجاج يتنكه بالزيت والبصل والبندورة بعدين منحط عليهم ماء ساخن غمارة الدجاج ومنسكر عليهم ومنتركهم لحتى يستوي نص استواء منزل عليهم كمية الجزر الي لحالو مش الي حوسناها بعدين منقلبهم ومنغطيهم لحتى يستوي الدجاج كااااااااامل
هون مننشل الدجاج من الشوربة ومنحطو بصينية الفرن ومندهنو بخليط ( زيت الزيتون ورب البندورة والبهارات ومنقلبهم مع بعض ومندهن فيهم الدجاج) وعلى الفرن لحتى يتحمر الدجاج
منحط بالطنجرة الي شلنا الدجاج منها ( الرز ومنحركها ومنحط معلقة صغيرة كزبرة مطحونة وكمون مطحون ومنحركهم ازا كان بدها ماء منزيد شوي حسب حاجة الأرز ومنتركه تيغلى منغطي لحتى يتشرب الماء منزل على الوجه الجزر مع الزبيب الي عملناهم فوق وما منحركهم منحطهم ع الوجه ومنتركهم لحتى يستوي الأرز منطفي الغاز
منحرك الأرز مع الجزر والزبيب وونضعه بطبق التقديم ونضع الدجاج المحمر على الوجه ويزين باللوز والبقدونس المفروم او حسب الرغبة
وهيك خلصت طبختنا لليوم يا رب تكون عجبتكم وبتمنى تحطوها بالمفضلة عندكم
أستودعكم الرحمان الذي لا تضييع ودائعه أختكم في الله أم عمرو ♥️♥️♥️
