بيتزا بعحينه العشر دقايق
بيتزا بعحينه العشر دقايق
المقادير
- لحتى نعمل عجينه العشر دقائق وهاي بتنفع لجميع انواع المعجنات بنحتاج:
- ٥ كوب طحين
- كوبين ماء
- ملعقتين خميرة
- ملعقتين سكر
- ملعقتين حليب بودره
- ملعقتين لبن رايب
- ثلث كوب زيت
- ملح
- مقادير صلصه البيتزا:
- حبات بندورة مقشره
- حبه بصل
- زيت زيتون
- ملعقتين صلصه
- ملح
- ماجي
- فلفل اسود
الخطوات
بسم الله الرحمن الرحيم طبعاً عجينه العشر دقايق بتعجن ع مرتين العجنه الاولى رح نجيب كوبين طحين واللبن والحليب والسكر والخميرة واحط عليهم كوبين ماء فاتر وبخلطهم مع بعض لحتى تتكون عندي عجينه سائله وبتركها ترتاح عشر دقايق بس تخمر عندي العجينه وترتاح بنزل الملح وبخلطهم وبنزل الطحين شوي شوي حتى تتماسك معي العجينه حتكون العجينه لسا تلزق معي على اليدين بنزل الزيت وبعجنهم كثير منيح بس تتشرب الزيت كلو نرشةعليها شويه طحين واعجن حتى تصير عندي عجينه كثير طريه وما بتلزق وهيك تكون العجينه جاهزة
الك الخيار يا بتبلشي شغل فيها عل طول او بتخليها كمان ترتاح. انا بصراحه خليتها ترتاح معي وبعدين بلشت فيها شغل
لعمل صلصه البيتزا
بحط جميع المواد بالخلاط وعلى قلايه على الغاز نطبخهم حتى يثقل الخليط واخليه يبرد قبل ما ابلش فيه شغل
بنجيب صينيه وبدهنها زيت وبفرد فيها العجينه بس لا تخليها سميكه لانو رح تنفخ معك وتعلى بظهنا بصلصه البيتزا الي سبق وعملناها وبنحشيها زي ما بدنا انا حشيتها وفطر مقطع شرائح وزيتون اسود وفلفل اخضر وعلى الوجه جبنه موزاريلا
بصراحه انا عملت صينيه بيتزا وعملت صينيه فطيرة وهي عباره عن عجينه العشر دقايق محشيه بصدور الدجاج مع الخضار
انا عملت كميه كبيره يعني ضاعفت المواد يعني تقدري تتحكمي بالمقادير والكميات حسب الأشخاص
أن شاء الله تكون عجبتكو ويا رب التوفيق
